Photos: १०० वर्षांहून जुना वाडा, एकत्र कुटुंब…; मराठमोळ्या शर्वरी वाघने सांगितल्या गणेश चतुर्थीच्या खास आठवणी

आदित्य सरपोतदार दिग्दर्शित 'मुंज्या' चित्रपटातील बॉलिवूड अभिनेत्री शर्वरी वाघ सध्या चर्चेत आहे. काही दिवसांपूर्वी शर्वरीला IMDb 'ब्रेकआउट स्टार' स्टारमीटर पुरस्कार प्रदान करण्यात आला. आयएमडीबी ॲपवरील लोकप्रिय भारतीय सेलिब्रिटींच्या यादीत दमदार कामगिरी करणाऱ्या स्टार्सना हा पुरस्कार दिला जातो. एका खास IMDb 'स्पीड डेटिंग' सेगमेंटमध्ये शर्वरीला सुट्ट्यांबद्दल विचारले असता, तिने गणेश चतुर्थी या सणाचे तिचे प्रेम व्यक्त केले आहे. शर्वरी म्हणली.. माझी आवडती सुट्टी गणेश चतुर्थी आहे. मला माझ्या मूळ गावी, मोरगावला जायला खूप आवडते. माझ्या कामातून मला मिळालेली ही सर्वोत्तम वेळ आहे आणि मला ते ठिकाण खूप आवडते. मग काहीही असो, दरवर्षी मी गणेश चतुर्थीच्या वेळी वेळ काढून मूळ गावी जाते, आणि ही आतापर्यंतची सर्वोत्तम सुट्टी आहे. आमच्या तिथे एक वाडा आहे आणि तो जवळपास १०० वर्षांहून जुना आहे. मला असे वाटते की शुभ प्रसंगी कुटुंब एकत्र येणे खूप आनंद देते, त्यामुळे मला असे वाटते की माझे वर्ष सुरू होते आणि तिथेच संपते. हा वेळ माझ्या खूप जवळचा आणि माझ्यासाठी खूप प्रिय आहे. (सर्व फोटो सौजन्य : शर्वरी वाघ/इन्स्टाग्राम) (हेही पाहा : प्रेम विवाह, आठ वर्षाचा मुलगा..; जान्हवी किल्लेकरबद्दलच्या 'या' गोष्टी माहिती आहेत का?)