Photos: “दिल हारा रे…” म्हणत प्राजक्ता माळीने सुंदर फोटो केले शेअर, चाहते म्हणाले, “सौंदर्याची खाण”

अभिनेत्री प्राजक्ता माळी मराठी सिनेसृष्टीतील आघाडीच्या अभिनेत्रींपैकी एक आहे. काही दिवसांपूर्वी प्राजक्ताचा ३५वा वाढदिवस झाला. या वाढदिवसानिमित्ताने अभिनेत्रीने एक आनंदाची बातमी दिली. वाढदिवसाच्या दिवशी प्राजक्ताने तिच्या आगामी चित्रपटाच्या प्रदर्शनाची तारीख जाहीर केली 'फुलवंती' असं प्राजक्ताच्या नव्या चित्रपटाचं नाव असून ११ ऑक्टोबर प्रदर्शित होणार आहे. या चित्रपटात ती अभिनयाबरोबर निर्माती म्हणून जबाबदारी सांभाळत आहे. पद्मविभूषण बाबासाहेब पुरंदरे यांच्या अजरामर ‘फुलवंती’ या कादंबरीवर प्राजक्ताचा आगामी चित्रपट आधारित आहे. प्राजक्ताने नुकतेच पिवळ्या रंगाच्या ड्रेसमधील सुंदर फोटो शेअर केले आहेत. "दिल हारा रे", असं कॅप्शन देत तिने हे नवे फोटो शेअर केले आहेत. पिवळ्या रंगाच्या ड्रेसमध्ये प्राजक्ताने दिलेल्या पोज पाहून चाहते घायाळ झाले आहेत. नेहमी प्रमाणे तिच्या सौंदर्याचं कौतुक केलं जातं आहे. प्राजक्ताचे पिवळ्या रंगाच्या ड्रेसमधील हे फोटो पाहून एका चाहत्याने लिहिलं आहे, "सौंदर्याची खाण." तर दुसऱ्या चाहत्याने लिहिलं आहे, "सच में दिल हारा रे...प्राजू" सर्व फोटो सौजन्य - प्राजक्ता माळी इन्स्टाग्राम