STREE-2: ‘स्त्री-२’ चित्रपटासाठी ‘या’ कलाकाराने घेतले कोटींचे मानधन; जाणून घ्या संपूर्ण स्टारकास्टची एकूण कमाई

'स्त्री' चित्रपटचा दूसरा भाग आज चित्रपटगृहामध्ये प्रदर्शित झाला आहे. स्वातंत्र्यदिनाच्या मुहूर्तावर प्रदर्शित झालेला या चित्रपटात राजकुमार राव-श्रद्धा कपूर, अभिषेक बॅनर्जी आणि पंकज त्रिपाठी यांनी मुख्य भूमिका साकारल्या आहेत. सर्वत्र 'स्त्री-२' चित्रपटाच्या चर्चा सुरू आहेत आणि नुकतेच स्टारकास्टच्या मानधनाबाबतची माहिती देखील समोर आली आहे. या चित्रपटासाठी श्रद्धा आणि राजकुमार यांच्यासह कोणत्या कलाकारने किती मानधन घेतले ते जाणून घेऊया. मीडिया रीपोर्टसनुसार, चित्रपटात राजकुमार रावने सर्वाधिक मानधन घेतले आहे. चित्रपटात अभिनेता मुख्य भूमिकेत असून त्याने निर्मात्यांकडून ६ कोटींचे मानधन घेतले आहे. बॉलीवूड अभिनेत्री श्रद्धा कपूरने या चित्रपटासाठी ५ कोटींचे मानधन घेतले आहे. पंकज त्रिपाठी यांनी 'स्त्री-२' चित्रपटासाठी जवळपास ३ कोटी रुपये घेतले आहेत. अपारशक्ती खुरानाने या चित्रपटासाठी ७० लाख रुपयांचे मानधन घेतले आहे. 'स्त्री-२' या चित्रपटाचा अभिषेक बॅनर्जीची भूमिका खूप चर्चेत आहे, अभिनेत्याने या चित्रपटासाठी ५५ रुपयांचे मानधन घेतले आहे.