Photos: तपकिरी रंगाची नऊवारी साडी, आकाशी डिझायनर ब्लाऊज…; रुपाली भोसलेच्या नव्या लूकची चर्चा

मराठी अभिनेत्री रुपाली भोसलेच्या (Rupali Bhosle) नव्या लूकची सध्या सोशल मीडियावर चर्चा सुरू आहे. 'मी होणार सुपरस्टार-जोडी नंबर १' या कार्यक्रमाच्या महाअंतिम सोहळ्यासाठी रुपालीने हा लूक केला होता. या फोटोंमध्ये रुपालीने तपकिरी रंगाची नऊवारी साडी नेसली आहे. नऊवारी साडीवर रुपालीने आकाशी रंगाचा डिझायनर ब्लाऊज परिधान केला आहे. रुपालीने नऊवारी साडीतील लूकवर सुंदर दागिन्यांचा साज केला आहे. 'VIBES' असे कॅप्शन रुपालीने नऊवारी साडीतील फोटोंना दिले आहे. रुपाली सध्या स्टार प्रवाहवरील आई कुठे काय करते या मालिकेत काम करत आहे. हिंदी 'बिग बॉस'च्या १८व्या (Bigg Boss 18) पर्वासाठी रुपालीला विचारणा झाल्याचे म्हटले जात आहे. (सर्व फोटो सौजन्य : रुपाली भोसले/इन्स्टाग्राम) (हेही पाहा : 'प्रेमाची गोष्ट' मालिकेतील अभिनेत्रींची दुबई सफर; फोटो सोशल मीडियावर व्हायरल)