Photos: सुरूची अडारकरने लग्नानंतरची पहिली मंगळागौर ‘अशी’ केली साजरी, पारंपरिक लूकने वेधलं लक्ष

'ओळख', 'का रे दुरावा', 'एक घर मंतरलेलं' अशा मालिकांमधून घराघरात पोहोचलेली अभिनेत्री सुरुची अडारकर काही महिन्यांपूर्वी लग्नबंधनात अडकली. अभिनेता पियुष रानडेबरोबर मोठ्या थाटामाटात सुरूचीने लग्नगाठ बांधली. दोघांच्या लग्नाचे फोटो पाहून अनेकांना आश्चर्याचा धक्काच बसला होता. सुरूची व पियुषच्या लग्नाचे फोटो सोशल मीडियावर खूप व्हायरल झाले होते. सध्या दोघं लग्नानंतरचे पहिले सण एकत्र साजरे करताना दिसत आहेत. नुकतीच सुरूचीची लग्नानंतरची पहिली मंगळागौर पार पडली. यावेळी पियुषी देखील तिच्या बरोबर होता. सुरूचीने मंगळागौर कार्यक्रमाच्या सर्वात आधी अन्नपूर्णा मातेची पूजा केली. अत्यंत साध्या पद्धतीने घराच्या घरीच सुरूचीची पहिली मंगळागौर झाली. मंगळागौरसाठी सुरूचीने खास पारंपरिक लूक केला होता. तिच्या या लूकने सगळ्यांचं लक्ष वेधून घेतलं. गुलाबी साडी, नाकात नथ, बाजूबंद, गळ्यात सुंदर मंगळसूत्र, केसात गजरा, कपाळावर टिकली अशा पारंपरिक लूकमध्ये सुरूची दिसली. सुरूचीच्या पहिल्या मंगळागौर कार्यक्रमाचे फोटो सध्या सोशल मीडियावर चांगलेच व्हायरल झाले आहेत. सर्व फोटो सौजन्य - सुरूची अडारकर इन्स्टाग्राम