Bigg Boss Marathi 5: जान्हवी किल्लेकरचं खरं नाव तुम्हाला माहितीये का? ‘या’ गावाशी आहे खास नातं

'बिग बॉस' (Bigg Boss) मराठीच्या पाचव्या पर्वात बऱ्याच घडामोडी पाहायला मिळत आहेत. 'बिग बॉस'च्या घरात रोज नवनवीन टास्क रंगत आहेत. 'बिग बॉस'च्या घरातील स्पर्धक जान्हवी किल्लेकरची (Jahnavi Killekar) सोशल मीडियावर जोरदार चर्चा आहे. जान्हवी ही छोट्या पडद्यावरील अभिनेत्री असून तिने अनेक मालिकांमध्ये काम केले आहे. मराठी मालिकांमध्ये खलनायकी भूमिकांसाठी जान्हवी ही प्रसिद्ध आहे. राजश्री मराठी या वृत्तसंस्थेला जान्हवीने दिलेली मुलाखत सध्या व्हायरल झाली आहे. या मुलाखतीत जान्हवीने सांगितले की तिचं खरं नाव भावना गायकवाड असे आहे. लग्नानतंर भावनाचं नाव जान्हवी असे ठेवण्यात आले. जान्हवीच्या माहेरचं सर्व तिला 'चिकू' या नावाने ओळखतात. जान्हवीचा प्रेम विवाह असून तिने किरण किल्लेकरबरोबर लग्नगाठ बांधली आहे. जान्हवीचं गाव अलिबाग आहे तर आजोळ पेण येथे आहे. जान्हवीने तिचं शिक्षण ठाण्यात पूर्ण केले आहे. (सर्व फोटो सौजन्य : जान्हवी किल्लेकर/इन्स्टाग्राम) (हेही पाहा : खादीच्या पटियाला ड्रेसमध्ये सायली संजीवने केले फोटोशूट; नेटकरी म्हणाले...)