Photos: या वीकेंडला पाहा OTT प्लॅटफॉर्मवर प्रदर्शित झालेले ‘हे’ मनोरंजक चित्रपट आणि वेब सिरीज

या आठवड्यात ओटीटी प्लॅटफॉर्मवर अनेक मनोरंजक चित्रपट आणि वेब सिरीज प्रदर्शित झाल्या आहेत. जाणून घेऊया या चित्रपट आणि वेब सिरीजबद्दल. तामिळ ॲक्शन-थ्रिलर चित्रपट 'द ग्रेटेस्ट ऑफ ऑल टाइम' हा ३ ऑक्टोबर रोजी नेटफ्लिक्सवर प्रदर्शित झाला आहे. चित्रपटातील थलपथी विजयची जबरदस्त ॲक्शन सीन्स प्रेक्षकांच्या पसंतीस उतरले आहे. 'सलेम्स लॉट' नावाचा हॉरर चित्रपट हा ३ ऑक्टोबर रोजी एचबीओ मॅक्सवर प्रदर्शित झाला आहे. अभिनेत्री अनन्या पांडेची बहीण अलाना पांडेची नवीन वेब सीरिज 'द ट्राइब' देखील ४ ऑक्टोबर रोजी प्राइम व्हिडिओवर प्रदर्शित झाली आहे. अनुपम खेर यांची 'द सिग्नेचर' हा चित्रपट झी ५ वर ४ ऑक्टोबरला प्रदर्शित झाला आहे. जर तुम्ही मराठी भाषेतील थ्रिल चित्रपटाचे चाहते असाल तर 'मनवत मर्डर्स' हा एक उत्तम पर्याय आहे. ही क्राईम थ्रिलर मालिका ४ ऑक्टोबर रोजी सोनी लिव्हवर प्रदर्शित होत असून ती एका सत्य घटनेवर आधारित आहे. अमेरिकन कॉमेडी हॉरर फिल्म 'इट्स व्हॉट्स इनसाइड' देखील ४ ऑक्टोबर रोजी नेटफ्लिक्सवर प्रदर्शित होत आहे. हा चित्रपट प्रेक्षकांना हास्य आणि भीतीचा अनोखा मिलाफ देतो. जर तुम्हाला रोमँटिक कॉमेडीची आवड असेल तर 'अमर प्रेम की प्रेम कहानी' नक्की पहा. हा हिंदी चित्रपट ४ ऑक्टोबर रोजी जिओ सिनेमावर प्रदर्शित होणार आहे. अनन्या पांडेचा थ्रिलर चित्रपट 'कंट्रोल' (CTRL)४ ऑक्टोबर रोजी नेटफ्लिक्सवर प्रदर्शित झाला आहे. या चित्रपटातील अनन्याच्या अभिनयाचे खूप कौतुक होत आहे.