मराठमोळ्या श्वेता शिंदेने साजरी केली ‘करवा चौथ’; पती आहेत प्रसिद्ध हिंदी अभिनेते, लग्नाचा फोटो पाहिलात का?

मराठी कलाविश्वातील लोकप्रिय अभिनेत्री व निर्माती म्हणून श्वेता शिंदेला ओळखलं जातं. श्वेताने 'लागीर झालं जी', 'मिसेस मुख्यमंत्री', 'देवमाणूस', 'लाखात एक आमचा दादा' अशा लोकप्रिय मालिकांची निर्मिती केली आहे. नुकतेच तिने इन्स्टाग्रामवर 'करवा चौथ'चे फोटो शेअर केले होते. यामुळे तिचे पती संदीप भन्साळी कोण आहेत, ते काय काम करतात याबद्दल चर्चा सुरू झाली. अभिनेत्रीची संदीप यांच्याशी ओळख 'अपराधी कौन' या हिंदी मालिकेच्या सेटवर झाली होती. पुढे, या ओळखीचं रुपांतर मैत्रीत झालं, मैत्रीतून प्रेम निर्माण होऊन श्वेता अन् संदीप २००७ मध्ये लग्नबंधनात अडकले. संदीप यांनी CID, आहट अशा अनेक गाजलेल्या मालिकांमध्ये काम केलेलं आहे. सध्या संदीप अभिनय क्षेत्रापासून दूर असले तरीही डिजिटल मार्केटिंग क्षेत्रात सक्रिय आहेत. हिंदी भाषेवर त्यांचं विशेष प्रभुत्व आहे. याशिवाय त्यांचा व्यवसाय देखील आहे. श्वेताने मूल झाल्यावर काही काळ इंडस्ट्रीतून ब्रेक घेतला होता. यानंतर पुन्हा एकदा ती नव्या जोमाने इंडस्ट्रीत सक्रिय झाली. मात्र, आता अभिनेत्री विविध नवनवीन व लक्षवेधी मालिकांची निर्माती म्हणून प्रेक्षकांसमोर आली आहे. ( सर्व फोटो सौजन्य : श्वेता शिंदे इन्स्टाग्राम )