‘पुष्पा’च्या दिग्दर्शकाने अभिनेता अल्लू अर्जुनबरोबरच केला होता पहिला चित्रपट, जो ठरला होता ‘सुपर-डुपर हिट!’

'पुष्पा द राईज' (Pushpa The Rise) हा चित्रपट सर्वत्र चर्चेत होता. २०२१ मध्ये प्रदर्शित झालेला हा चित्रपट हिंदी, तेलगू आणि तमिळ भाषांमध्ये प्रदर्शित झाला होता. या चित्रपटाने २०२१ वर्षामधील सर्वाधिक कमाई केली होती. हा चित्रपट साऊथमधील प्रसिद्ध दिग्दर्शक सुकुमार (Sukumar) यांनी दिग्दर्शित केला आहे. त्यांचे अनेक चित्रपट याधीही सुपरहिट (Superhit) झालेले आहेत. २०२१ च्या 'पुष्पा द राईज' या चित्रपटाचा पुढील भाग आता रिलीज होणार आहे. पुष्पा द रूल (Pushpa The Rule) असं त्याचं नाव असून यावर्षी डिसेंबर महिन्यात तो प्रदर्शित होत आहे. दरम्यान, दिग्दर्शक सुकुमार यांनी अल्लू अर्जुन (Allu Arjun) याच्याबरोबर पुष्पा हा चित्रपट बनवला आणि तो ब्लॉकबस्टर (Blockbuster) झाला. दरम्यान त्यांनी अल्लू अजून बरोबरच त्यांचा पहिला (First Movie) चित्रपट केला होता. तो चित्रपटही जबरदस्त लोकप्रिय (Popular) झाला होता. २००४ मध्ये प्रदर्शित झालेला हा चित्रपट होता 'आर्या' (Aarya) हा चित्रपट माहीत नाही असं भारतात क्वचितच कोणी सापडेल. त्यांच्या इतर काही जबरदस्त यश मिळवलेल्या चित्रपटांबद्दल जाणून घेऊयात. आर्या या चित्रपटाच्या यशानंतर त्यांनी अल्लू अर्जुनबरीबर आर्या २ (Aarya 2) हा चित्रपटही आणला. सुकुमार यांच्या या चित्रपटाने देखील चांगली कमाई केली. आर्या इतकाच आर्या २ मधील अल्लू अर्जुन प्रेक्षकांना भावला होता. या चित्रपटाची नायिका होती काजल अग्रवाल (Kajal Agrawal). १००% लव्ह (२०११): हा चित्रपट प्रेमाच्या संघर्षांवर आधारित होता आणि खूप यशस्वी ठरला. या चित्रपटात तमन्ना भाटीया (Tamanna Bhatia) आणि नागा चैतन्य (Naga Chaitanya) मुख्य भूमिकेत होते. हा चित्रपटही प्रेक्षकांना खूप भावला. हिंदी भाषेमध्येही हा चित्रपट डब करण्यात आला होता. नेनोक्कडिन (२०१४): हा सायकॉलॉजीकल थ्रिलर होता, या चित्रपटाची समीक्षकांनीही भरपूर चर्चा केली. या चित्रपटात महेश बाबू (Mahesh Babu) आणि अभिनेत्री क्रिती सेनॉन (Kriti Senon) मुख्य भूमिकेत होते. नन्नाकु प्रेमथो (२०१६): या चित्रपटात वडील-आणि-पुत्राच्या नात्याचे सुंदर चित्रण पाहायला मिळते. या चित्रपटात जुनिअर एनटीआर (Junior NTR) आणि अभिनेत्री रकुल प्रीत सिंह (Rakul Preet Singh) मुख्य भूमिकेत आहेत. रंगस्थलम (२०१८): हा चित्रपट अत्यंत यशस्वी ठरला आणि तेलुगू सिनेमा (Telugu Cinema) इतिहासातील तिसऱ्या सर्वाधिक कमाई करणाऱ्या चित्रपटांपैकी एक बनला. या चित्रपटात अभिनेता राम चरण (Ram Charan) आणि समंथा (Samantha) यांच्यामुख्य भूमिका आहेत. (Photos Source : Stills From Films And Sukumar Fb Page) हेही पाहा- Photos : हार्दिक पंड्याची घटस्फोटीत पत्नी नताशा मुंबईत कोणाबरोबर फिरतेय?, कोण आहे ‘हा’ मिस्ट्री बॉय?