Photos : ‘यारियां’ फेम हिमांश कोहलीने उरकले मंदिरात गुपचुप लग्न, विवाह सोहळ्याचे सुंदर फोटो व्हायरल

अभिनेता हिमांश कोहली काल लग्नबंधनात अडकला आहे. तो “यारियां” चित्रपटातून प्रसिद्धीझोतात आला. बॉलीवूड अभिनेत्याने नुकतेच त्याचे मेहंदी सोहळ्याचे फोटो चाहत्यांसाठी इनस्टाग्रामवर शेअर केले होते. त्याने काल १२ नोव्हेंबर २०२४ रोजी नवी दिल्लीतील एका मंदिरात गुपचूप विवाह केला आहे. या लग्नाचा सोहळा खूप खासगी होता, ज्यामध्ये फक्त त्याचे कुटुंबीय आणि जवळचे मित्र उपस्थित होते. लग्नानंतर हिमांश आणि त्याच्या पत्नीचे फोटो सोशल मीडियावर व्हायरल झाले आहेत. चाहत्यांनी दोघांना शुभेच्छा देताना अनेक प्रतिक्रिया दिल्या आहेत. हिमांशच्या लग्नाचे कपडे प्रसिद्ध डिझायनर कुणाल रावलने डिझाइन केले आहेत. लग्नाच्या सोहळ्यात हिमांशने गुलाबी रंगाची शेरवानी आणि पगडी घातली होती. तर त्याच्या पत्नीने गुलाबी रंगाचा लेहेंगा आणि सोनेरी व गुलाबी रंगांचे मिश्रण असलेला सुंदर दुपट्टा परिधान केला होता. दरम्यान, हिमांश कोहली आणि गायिका नेहा कक्कर चार वर्षे (२०१४ ते २०१८) रिलेशनशिपमध्ये होते. त्यांच्या ब्रेकअपनंतर नेहा कक्करने रोहनप्रीतशी लग्न केले, तर हिमांशने सिनेसृष्टीपासून काही काळ दूर राहणे पसंत केले. हिमांश कोहलीचे फिल्मी करिअर फारसे यशस्वी राहिले नाही. तो 'बुंदी रायता' या आगामी चित्रपटात दिसणार आहे, या चित्रपटात महत्त्वाच्या भूमिकांमध्ये रवी किशन, राजेश शर्मा, सोनाली सहगल आणि शिल्पा शिंदे दिसणार आहेत. (Photos Source : Himansh Kohli/ Instagram)हेही पाहा- ‘शक्तिमान’ परत आला, ट्रोलही झाला; मुकेश खन्ना यांच्याबरोबर नेमकं घडलं काय?, चित्रपटात कोण साकारणार सुपरहिरोची भूमिका, म्हणाले…