Photos : जेमी लिव्हरचा साडीतील खास लूक सोशल मीडियावर व्हायरल; चाहत्यांकडून कोतुकाचा वर्षाव

प्रसिद्ध अभिनेत्री व विनोदी कलाकार जेमी लिव्हरने साडीतील पारंपरिक लूक सोशल मीडियावर नुकतेच शेअर केले आहेत. सुप्रसिद्ध विनोदी कलाकार व अभिनेता जॉनी लिव्हर यांची कन्या जेमी लिव्हर विनोदी कलाकृतींसाठी अधिक लोकप्रिय आहे. 'किस किसको प्यार करू', 'हाऊसफुल्ल ४', 'भूत पोलीस' यांसारख्या अनेक चित्रपटांमध्ये तिने विनोदी भूमिका साकारल्या. याव्यतिरिक्त 'द कपिल शर्मा शो'सारख्या कार्यक्रमामध्ये लोकांना हसविण्याचे कामही जेमीने यशस्वीरीत्या पार पाडले आहे. फक्त बॉलीवूडमध्ये स्वतःला गुंतवून न ठेवता, जेमी स्वतःचे 'स्टॅण्डअप कॉमेडी' आणि 'कॉमेडी शो'सुद्धा करते. या फोटोमध्ये जेमीने हिरव्या रंगाची सोनेरी किनार असलेली साडी नेसली आहे. या साडीवर जेमीने गुलाबी रंगाचा स्लीव्हलेस ब्लाऊज परिधान केला आहे. जेमीने साडीवरील सुंदर दागिन्यांनी स्वतःच्या लूकची शोभा वाढवली आहे. गळ्यात पेंडंटसह सोनेरी लॉकेट, हातात सोनेरी बांगड्या व अंगठी, कानातले अशा दागिन्यांनी जेमीची सुंदरता अधिक खुलून आली आहे. या फोटोमध्ये जेमीने फुले आणि पुस्तक हातात धरून पोज दिली आहे. या फोटोमध्ये जेमीने पुस्तक वाचत असल्याचे भाव व्यक्त केले आहेत.