Photos: ७० वर्षीय रेखा यांच्या रेट्रो लूकने वेधलं सगळ्यांचं लक्ष, पाहा सुंदर फोटो

अभिनय, सौंदर्य, नृत्य, नजाकत याच्या जोरावर हिंदी सिनेसृष्टीत आपली छाप उमटवणाऱ्या म्हणजे अभिनेत्री रेखा. मीनाकुमारी, वैजयंती माला, वहिदा रेहमान, आशा पारेख, शर्मिला टागोर, सायरा बानू, मुमताज यांचा वारसा त्यांनी दोन पावलं पुढे नेला. हेमा मालिनी, लीना चंदावरकर, साधना अशा लोकप्रिय अभिनेत्रींमध्ये स्वतःची वेगळी ओळख निर्माण करण्याचं शिवधनुष्य रेखा यांनी लीलया पेललं. रेखा यांनी अत्यंत वेग-वेगळ्या वळणा-वळणांचा प्रवास, आव्हानांचा डोंगर अन् अपेक्षाभंगाची खोल दरी पार केली. बिनधास्त, बेधडक, रोखठोक असा स्वभाव असणाऱ्या रेखा आता ७० वर्षांच्या झाल्या आहेत. वयाच्या सत्तरीतही रेखा आपल्या हटके लूक, स्टाइलने सगळ्यांना घायाळ करत असतात. प्रसिद्ध डिझायनर मनिष मल्होत्राने नुकतेच सोशल मीडियावर रेखा यांचे सुंदर फोटो शेअर केले आहेत. मनिष मल्होत्राने शेअर केलेल्या फोटोंमध्ये रेखा काळ्या रंगाच्या आउटफिटमध्ये दिसत आहेत. रेखा यांच्या या नव्या लूकने सध्या सगळ्यांचं लक्ष वेधून घेतलं आहे. ( सर्व फोटो सौजन्य - मनिष मल्होत्रा इन्स्टाग्राम )