मलायका अरोराने मुंबईत ‘या’ ठिकाणी ९० वर्षे जुन्या बंगल्यात सुरू केले रेस्टॉरंट, पाहा Inside Photos

ब्रेकअपनंतर मलायका अरोराने नवीन सुरुवात केली आहे. मलायकाने मुलगा अरहानबरोबर मिळून नवीन रेस्टॉरंट सुरू केले आहे. ‘स्कार्लेट हाउस’ असे या रेस्टॉरंटचे नाव आहे. हे सुंदर रेस्टॉरंट मुंबईतील वांद्रे येथील ९० वर्षे जुन्या पोर्तुगीज बंगल्यात आहे. हे रेस्टॉरंट बोल्ड स्कार्लेट रंगात रंगवलेले आहे. हे रेस्टॉरंट खूपच सुंदर आहे. शटर विंडो, व्हिक्टोरियन खुर्च्या, फ्लोरल इंटिरियर व ग्रामोफोन यामुळे रेस्टॉरंटचा लूक लक्षवेधी ठरतो. या रेस्टॉरंटची सीटिंग अरेंजमेंटदेखील चांगली आहे. बीना नोरोन्हा या स्कार्लेट हाऊसच्या मुख्य शेफ आहेत. त्या स्वतः मलायकासाठी हेल्दी पदार्थ बनवतात. रेस्टॉरंटच्या मेनूमध्ये हंगामी फळांचा समावेश असलेले सॅलड्स, बाजरीचे नूडल्स, जपानी कॉफी ग्रेड मॅचा, ग्लूटेन-फ्री रॅप्स आणि ज्वारीचा रिसोटो यासारख्या पदार्थांचा समावेश आहे. मलायका अरोराचे चाहतेही तिच्या या नव्या सुरुवातीसाठी शुभेच्छा देत आहेत. (सर्व फोटो - मलायका अरोरा व Architectural Digest India इन्स्टाग्राम अकाउंटवरून साभार)