ShahRukh Khan Romantic Movies : शाहरुखच्या प्रेमात पाडणारे हे पाच चित्रपट तुम्ही पाहिलेत?

शाहरुख खान हे नाव आज जगभरात प्रसिद्ध आहे. किंग खानने अनेक रोमँटिक चित्रपटांमध्ये काम करत लोकांची मने जिंकली आहेत. शाहरुख खानने बऱ्याच रोमँटिक चित्रपटांत काम करून प्रेक्षकांना प्रेमाची भाषा विविध प्रकारांत समजावली आहे. त्याच्या या सुपरहिट चित्रपटांच्या खजिन्यातून या पाच रोमँटिक चित्रपटांबद्दल जाणून घेऊ. देवदास : प्रेमात वेडे होऊन शेवटपर्यंत त्या व्यक्तीची वाट पाहणे यातून प्रेमाचा खरा अर्थ समजावणाऱ्या या चित्रपटाने बॉक्स ऑफिसवर जगभरात ९०.६३ कोटी रुपये कमावले होते. कुछ कुछ होता है : ब्लॉकबस्टर चित्रपटांपैकी एक अशा या चित्रपटाने ९१.०५ कोटी कमावले. त्यामध्ये शाहरुख खान, राणी मुखर्जी व काजोल यांच्यातला अतूट प्रेम अनुभवायला मिळते. वीर-जारा : प्रेम, वेगळेपणा, धैर्य व बलिदानाची कथा दर्शविणाऱ्या या चित्रपटाने ९७ कोटी कमावले. या चित्रपटाचे बजेट २२ कोटी होते. दिलवाले दुल्हनिया ले जायेंगे : शाहरुख खानचा सर्वांत जास्त गाजलेला रोमँटिक चित्रपट. या चित्रपटाने ९८.५ कोटींचा धमाका बॉक्स ऑफिसवर केला होता. दिल तो पागल है : माधुरी दीक्षित व करिष्मा कपूर या प्रसिद्ध कलाकारांसह गाजवलेल्या या चित्रपटाने बॉक्स ऑफिसवर ५८.६१ कोटी कमावले. (सर्व फोटो सौजन्य : जनसत्ता, लोकसत्ता आणि शाहरुख खान/ इंस्टाग्राम )