Photos: ‘प्रेमाची गोष्ट’ मालिकेतील मिहीरच्या खऱ्या आयुष्यातल्या बायकोला पाहिलंत का? अभिनेत्याच्या लग्नातील Unseen फोटो पाहा

सध्या लग्नाचा हंगाम सुरू आहे. अनेक कलाकार मंडळी लग्नबंधनात अडकताना दिसत आहेत. अभिनेत्री रेश्मा शिंदे, किरण गायकवाड , शाल्व किंजवडेकर यांच्यानंतर मराठी मालिकाविश्वातील लोकप्रिय अभिनेत्याने गुपचूप लग्न केल्याचं समोर आलं. ‘स्टार प्रवाह’ वाहिनीवरील ‘प्रेमाची गोष्ट’ मालिकेतील मिहीर म्हणजे अभिनेता राजस सुळे लग्नबंधनात अडकला. गेल्या नऊ वर्षांपासून रिलेशनशिपमध्ये असलेल्या गर्लफ्रेंडशी राजसने लग्नगाठ बांधून आयुष्याच्या नव्या प्रवासाला सुरुवात केली. मराठी मालिकाविश्वातील अनेक कलाकार मंडळींनी राजस सुळेच्या लग्नाला खास हजेरी लावली होती. राजस सुळेचं मोठ्या थाटामाटात लग्नसोहळा पार पडला. राजसच्या बायकोचं नावं चैत्राली पितळे असं आहे. लग्नात राजसने राजेशाही पेहराव केला होता. ऑफ व्हाइट रंगाचा आउटफिट घातला होता; ज्यावर सोनेरी रंगाचा फेटा घातला होता. तसंच चैत्रालीने पिवळ्या रंगाची नऊवारी साडी नेसली होती. राजस आणि चैत्राली राजेशाही लूकमध्ये खूप सुंदर दिसत होते. दरम्यान, गेल्या वर्षी अभिनेता राजस सुळेने प्रेमाची कबुली दिली होती. सर्व फोटो सौजन्य - राजस सुळे इन्स्टाग्राम