२०२५ साठी काय ठरवलंय? ‘फुलवंती’ फेम प्राजक्ता माळी म्हणाली…

जुळून येती रेशीमगाठी’ या मालिकेतून घराघरांत पोहोचलेली आणि प्रचंड लोकप्रियता मिळवलेली अभिनेत्री म्हणजे प्राजक्ता माळी (Prajakta Mali). अभिनेत्रीने या मालिकेनंतर अनेक मालिका-चित्रपटांत काम केले. महाराष्ट्राची हास्यजत्रा या लोकप्रिय विनोदी कार्यक्रमाच्या सूत्रसंचालनाची धुरा यशस्वीपणे सांभाळली. अभिनेत्री नुकतीच फुलवंती या चित्रपटातून प्रेक्षकांच्या भेटीला आली होती. लोकप्रिय अभिनेत्री प्राजक्ता माळीने 'राजश्री मराठी'ला नुकतीच मुलाखत दिली. या मुलाखतीत २०२५ साठी काय प्लॅन आहेत, असा प्रश्न अभिनेत्रीला विचारण्यात आला." त्यावर उत्तर देताना प्राजक्ता माळीने म्हटले, "मी निर्माती होणं हे माझं स्वप्न नव्हतं. हे मी कधीच प्लॅन केलं नव्हतं." "माझ्या वाट्याला माझं टॅलेंट दाखवलं जाईल, असे प्रोजेक्ट आले नाहीत म्हणून मला हे करावं लागलं." "मला असं वाटतं की, माझं टॅलेन्ट दाखवलंय. त्यामुळे आता माझ्याकडे चांगले प्रोजेक्ट यावेत. मला वैविध्यपूर्ण भूमिका साकारायच्या आहेत." "माझा पहिल्यापासून हा उद्देश राहिला आहे की, मी पैसा कमवेन तो माझ्या आवडत्या गोष्टींमधून कमवेन. मग दागिने, अभिनय, मॉडेलिंग जे असेल, ते मी माझ्या कष्टातून पैसा कमवेल." "आता २०२५ चा माझा उद्देश हा आहे की, मी जो पैसा कमवेन, तो अभिनयातूनच कमवेन. फक्त अभिनयातून पैसे मिळावेत इतके अभिनयाचे प्रोजेक्ट मला मिळावेत. मला स्वत:चं प्रोड्युस करायचंच आहे; पण मला इतर भाषांमध्येसुद्धा प्रयत्न करायचे आहेत." "मला वेगवेगळ्या दिग्दर्शकांबरोबर काम करायचं आहे. मला वेगवेगळ्या पद्धतीच्या जॉनर्समध्ये काम करायचंय." "मला अभिनय क्षेत्रात खूप काम करायचं आहे. असंच माझं २०२५ हे वर्ष असावं, अशी माझी देवाकडे प्रार्थना आहे." (सर्व फोटो सौजन्य: प्राजक्ता माळी इन्स्टाग्राम)