‘लाखात एक आमचा दादा’ फेम दिशा परदेशीने शेअर केले खास फोटो; म्हणाली…

'लाखात एक आमचा दादा' ही मालिका लोकप्रिय मालिकांपैकी एक आहे. यामधील तुळजा व सूर्या ही पात्रे प्रेक्षकांच्या मनावर राज्य करताना दिसतात. लाखात एक आमचा दादा मालिकेत तुळजा हे पात्र अभिनेत्री दिशा परदेशी व सूर्या हे पात्र नितीश चव्हाण यांनी साकारले आहे. मालिकेबरोबरच हे कलाकार सोशल मीडियावरील फोटो, व्हिडीओ यामुळे चर्चेत असतात. आता अभिनेत्री दिशा परदेशीने सोशल मीडियावर नवीन वर्षानिमित्त काही फोटो शेअर केले आहेत. या फोटोंमध्ये ती कृष्णाच्या मंदिरात गेल्याचे पाहायला मिळत आहे. एका फोटोमध्ये तिच्या हातात सुंदर फूलही दिसत आहे. हे सुंदर फोटो शेअर करताना अभिनेत्रीने म्हटले, "कृतज्ञता आणि आशीर्वादाने माझ्या नवीन वर्षाची सुरुवात करत आहे" 'लाखात एक आमचा दादा'मालिकेत सध्या तुळजा सूर्याच्या पाठीशी खंबीरपणे उभी राहिली असल्याचे दिसत आहे. आता तुळजा डॅडींचा खरा चेहरा सूर्यासमोर आणण्यात यशस्वी होणार का हे पाहणे महत्वाचे ठरणार आहे. (सर्व फोटो सौजन्य: दिशा परदेशी इन्स्टाग्राम)