फेब्रुवारीमध्ये प्रदर्शित होणार ‘हे’ ७ बहुप्रतिक्षीत चित्रपट, तुम्ही कोणता सिनेमा पाहण्यास आहात उत्सुक?

बॉलीवूडसाठी फेब्रुवारी २०२५ हा एक खास महिना असणार आहे, कारण या महिन्यात अनेक रोमांचक आणि मनोरंजनाने भरलेले चित्रपट चित्रपटगृहात दाखल होणार आहेत. रोमान्स, ॲक्शन, ड्रामा आणि कॉमेडी यांसारख्या शैलींचा उत्तम मिलाफ या चित्रपटांमध्ये पाहायला मिळणार आहे. फेब्रुवारीमध्ये प्रदर्शित होणाऱ्या त्या ७ मोठ्या चित्रपटांबद्दल जाणून घेऊया, ज्यांची चाहते आतुरतेने वाट पाहत आहेत. (फोटो - स्क्रीनशॉट) loveyapa 'लव्हयापा' हा अद्वैत चंदन दिग्दर्शित रोमँटिक ड्रामा चित्रपट आहे. या चित्रपटात जुनैद खान आणि खुशी कपूर पहिल्यांदाच मुख्य भूमिकेत दिसणार आहेत. हा चित्रपट ७ फेब्रुवारी २०२५ रोजी प्रदर्शित होणार आहे. (फोटो - स्क्रीनशॉट) Badass Ravikumarया चित्रपटातून हिमेश रेशमिया पुन्हा एकदा ॲक्शन अवतारात मोठ्या पडद्यावर परतत आहे. या चित्रपटात हिमेश रेशमियासोबत प्रभुदेवा मुख्य भूमिकेत दिसणार आहे. हा चित्रपट ७ फेब्रुवारी २०२५ रोजी थिएटरमध्ये प्रदर्शित होणार आहे. (फोटो - स्क्रीनशॉट) छावा 'छावा' हा छत्रपती शिवाजी महाराजांचे पुत्र छत्रपती संभाजी महाराज यांच्या जीवनावर आधारित ऐतिहासिक चित्रपट आहे. या चित्रपटात विकी कौशल मुख्य भूमिकेत दिसणार आहे, तर रश्मिका मंदाना मुख्य भूमिकेत दिसणार आहे. या चित्रपटात अक्षय खन्नाही महत्त्वाच्या भूमिकेत दिसणार आहे. हा चित्रपट 14 फेब्रुवारी 2025 रोजी थिएटरमध्ये प्रदर्शित होणार आहे. (फोटो - स्क्रीनशॉट) सनकी 'सनकी' हा अदनान ए शेख आणि यासिर जे दिग्दर्शित ॲक्शन रोमान्स ड्रामा चित्रपट आहे. या चित्रपटात अहान शेट्टी आणि पूजा हेगडे मुख्य भूमिकेत दिसणार आहेत. 'तडप' नंतर अहान शेट्टीचा हा दुसरा चित्रपट असेल. हा चित्रपट 14 फेब्रुवारी 2025 रोजी थिएटरमध्ये प्रदर्शित होईल. (फोटो - स्क्रीनशॉट) धूम धाम ऋषभ सेठ दिग्दर्शित 'धूम धाम' हा एक कॉमेडी ड्रामा चित्रपट आहे. यामी गौतम आणि प्रतीक गांधी या चित्रपटात मुख्य भूमिकेत आहेत. हा चित्रपट 14 फेब्रुवारी 2025 रोजी Netflix वर प्रदर्शित होईल. (फोटो - स्क्रीनशॉट) मेरे हसबंड की बीवी 'मेरे हसबंड की बीवी' हा मुदस्सर अजीज दिग्दर्शित एक रोमान्स कॉमेडी ड्रामा चित्रपट आहे. अर्जुन कपूर, भूमी पेडणेकर आणि रकुल प्रीत सिंग या चित्रपटात मुख्य भूमिकेत दिसणार आहेत. हा चित्रपट 21 फेब्रुवारी 2025 रोजी थिएटरमध्ये प्रदर्शित होणार आहे. (फोटो - स्क्रीनशॉट) Inn Galiyon Mein हा अविनाश दास दिग्दर्शित कॉमेडी ड्रामा चित्रपट आहे. या चित्रपटात जावेद जाफरी आणि विवान शाह यांच्यासोबत अभिनेत्री अवंतिका दासानी देखील दिसणार आहे. हा चित्रपट 28 फेब्रुवारी 2025 रोजी थिएटरमध्ये प्रदर्शित होणार आहे. (फोटो- स्क्रीनशॉट)