Photos: ‘लग्नानंतर होईलच प्रेम’मधील पार्थच्या खऱ्या आयुष्यातल्या बायकोला पाहिलंत का? ‘या’ मालिकेत केलं होतं काम

'स्टार प्रवाह' वाहिनीवरील 'लग्नानंतर होईलच प्रेम' मालिकेने अल्पावधीतच प्रेक्षकांच्या मनात स्थान निर्माण केलं आहे. अभिनेत्री मृणाल दुसानिस, ज्ञानदा रामतीर्थकर, विजय आंदळकर, विवेक सांगळे यांची मुख्य भूमिका असलेल्या ‘लग्नानंतर होईलच प्रेम’ मालिकेत तगडे कलाकार मंडळी पाहायला मिळत आहेत. सध्या 'लग्नानंतर होईलच प्रेम' मालिकेत पार्थ आणि नंदिनीची विवाह सोहळा पाहायला मिळत आहे. पण, पार्थच्या खऱ्या आयुष्यातल्या बायकोला पाहिलंत का? पार्थ म्हणजे अभिनेता विजय आंदळकरच्या खऱ्या आयुष्यातील बायकोचं नाव रुपाली झंकार-आंदळकर असं आहे. रुपालीने विजयबरोबर 'झी मराठी' वाहिनीवरील 'लग्नाची वाईफ वेडिंगची बायकू' या मालिकेत काम केलं होतं. 'लग्नाची वाईफ वेडिंगची बायकू' याच मालिकेत रुपाली विजयच्या प्रेमात पडली होती. या मालिकेत रुपालीने विजयच्या बायकोची भूमिका साकारली होती विजय आणि रुपालीला एक मुलगी आहे; जिचं मायरा नाव आहे. रुपालीच्या आधी विजय आंदळकरचं लग्न अभिनेत्री पुजा पुरंदरेशी झालं होतं. पण विजयचं पहिलं लग्न फार काळ टिकलं नाही. त्यामुळे अभिनेत्याने आणि पुजाने वेगळं होण्याचा निर्णय घेतला.