लग्नाला १ वर्ष पूर्ण होताच ‘दगडू’ची पत्नीसह परदेशवारी! ‘या’ ठिकाणी गेलाय फिरायला; म्हणाला, “नवरा-बायको म्हणून…”

'टाईमपास' या चित्रपटामुळे अभिनेता प्रथमेश परब घराघरांत लोकप्रिय झाला. या सिनेमात त्याने साकारलेली 'दगडू'ची भूमिका आजही सर्वांच्या लक्षात आहे. प्रथमेशने वैयक्तिक आयुष्यात २४ फेब्रुवारी २०२४ रोजी क्षितीजा घोसाळकरशी लग्नगाठ बांधली. लग्नाआधी ३ वर्षे त्यांनी एकमेकांना डेट केलं होतं. प्रथमेशच्या लग्नाला नुकतंच एक वर्ष पूर्ण झालं आहे. यानिमित्ताने प्रेक्षकांचा लाडका 'दगडू' आपल्या पत्नीसह परदेशी गेला आहे. प्रथमेश आणि क्षितीजा थायलंड फिरण्यासाठी गेले आहेत. याचे फोटो त्यांनी सोशल मीडियावर शेअर केले आहेत. या फोटोंना अभिनेत्याने खास कॅप्शन दिलं आहे. प्रथमेश व क्षितीजा लिहितात, "आताचं लग्न झालं म्हणत असताना आता एक वर्ष पूर्ण झालंय आणि हा प्रवास असाच सुरू राहणार आहे." "आज नवरा - बायको म्हणून आम्ही एक वर्षाचे झालो. थायलंडमध्ये लग्नाचा वाढदिवस साजरा करण्यासाठी आलोय...इथून आम्ही असंख्य आठवणी आमच्याबरोबर घेऊन येणार" असं या जोडप्याने कॅप्शनमध्ये म्हटलं आहे. प्रथमेश आणि क्षितीजाने थायलंडच्या समुद्रकिनारी खास फोटोशूट केलं आहे. या दोघांच्या फोटोंवर त्यांचे चाहते कौतुकाचा वर्षाव करत आहेत. ( सर्व फोटो सौजन्य : प्रथमेश परब व क्षितीजा इन्स्टाग्राम )