Photos: कुंकवाचा टिळा, मोठा चष्मा अन् पांढरी साडी…; ‘पारू’ फेम शरयू सोनावणेच्या नव्या लूकने सगळ्यांचं वेधलं लक्ष

‘पिंकाचा विजय असो’ मालिकेतून घराघरात पोहोचलेली शरयू सोनावणे सध्या ‘झी मराठी’ वाहिनीवरील ‘पारू’ मालिकेत पाहायला मिळत आहे. ज्याप्रमाणे ‘पिंकाचा विजय’ असो मालिकेतील शरयूने साकारलेली पिंकी गाजली. त्याप्रमाणेच तिची ‘पारू’ मालिकेतील पारू भूमिका प्रेक्षकांच्या मनावर अधिराज्य गाजवत आहे. अत्यंत साधी, सरळ, सोज्वळ असणाऱ्या पारूने अल्पावधीत प्रेक्षकांच्या मनात अढळ स्थान निर्माण केलं आहे. अभिनेत्री शरयू सोनावणेने पारूची भूमिका लीलया पेलली आहे. शरयूने नुकतेच सोशल मीडियावर काही फोटो शेअर केले आहेत. ज्यामधील तिच्या लूकने सगळ्यांचं लक्ष वेधून घेतलं आहे. कुंकवाचा टिळा, मोठा चष्मा आणि पांढरी साडी अशा लूकमध्ये शरयू पाहायला मिळत आहे. शरयू सोनावणेच्या नव्या लूकचं चाहत्यांनी कौतुक केलं आहे. शरयू सोनावणेचा हा लूक सोशल मीडियावर व्हायरल झाला आहे. सर्व फोटो सौजन्य - शरयू सोनावणे इन्स्टाग्राम