Photos : अभिनेत्री भाग्यश्री मोटेने टाकलं निर्मिती क्षेत्रात पाऊल, गुढी पाडव्यानिमित्त पोस्ट शेअर करत दिली माहिती

अभिनेत्री भाग्यश्री मोटेने गुढी पाडवा सोहळ्याचे फोटो चाहत्यांबरोबर शेअर केले आहेत. यावेळी तिने खास मराठमोळा पेहराव केल्याचं पाहायला मिळालं. इन्स्टाग्रामद्वारे भाग्यश्री चाहत्यांच्या नेहमी संपर्कात असते. दरम्यान, भाग्यश्रीने गुढी पाडव्यानिमित्त एक पोस्ट केली आहे. "मराठी नववर्षाच्या मुहूर्तावर कळविण्यास अत्यंत आनंद होतोय, माझ्या आयुष्यातल्या सगळ्यात आनंदाचा भाग सिनेमा ह्याच्या निर्मिती क्षेत्रात मी प्रवेश केला आहे. लवकरच माहिती देईन. मराठी नववर्षाच्या आणि गुढीपाडव्याच्या खूप खूप शुभेच्छा" अशी पोस्ट सोशल मीडियावर करत तिने निर्मिती क्षेत्रात पाऊल ठेवल्याची माहिती चाहत्यांना दिली आहे. याआधी, अनेक गाजलेल्या मराठी आणि हिंदी मालिकांमध्ये भाग्यश्रीने काम केले आहे. (सर्व फोटो साभार- भाग्यश्री मोटे इन्स्टाग्राम) हेही पाहा - Photos : ‘अभिमान मराठी- अभिजात मराठी’; ढोल ताशांचा गजर अन् पारंपरिक वेषभूषा, गिरगावकरांची नववर्षानिमित्त भव्य शोभायात्रा…