दरवळते मी कस्तुरी! प्राजक्ता माळीचा मनमोहक अंदाज, पाहा सुंदर फोटो

मराठी मनोरंजन विश्वातील सध्याच्या काही आघाडीच्या अभिनेत्रींपैकी एक अभिनेत्री म्हणजे प्राजक्ता माळी. छोट्या पडद्यावरील ‘जुळून येती रेशीमगाठी’ मालिकेद्वारे तिने जोडलेली रेशीमगाठ अजूनही कायम आहे. प्राजक्ताने मराठी मालिका, चित्रपट यांसह अनेक कार्यक्रमांद्वारे सूत्रसंचालन करत प्रेक्षकांचे मनोरंजन केले आहे. अभिनयासह तिने व्यवसाय या क्षेत्रातही पदार्पण केलं आहे. तसंच तिने निर्मितीत क्षेत्रातही पाऊल टाकलं आहे. आपल्या अभिनयाने चर्चेत असणारी प्राजक्ता सोशल मीडियाद्वारे ही तितकीच चर्चेत राहत असते. सोशल मीडियावर प्राजक्ता तिचे अनेक सुंदर सुंदर फोटो शेअर करत असते. अशातच प्राजक्ताने नुकतेच राखाडी रंगाच्या साडीमधील मनमोहक फोटो शेअर केले आहेत. राखाडी साडीवर प्राजक्ताने लाल रंगाच्या ब्लाऊज परिधान केला आहे. यात ती अतिशय सुंदर दिसत आहे. राखाडी साडी, लाल ब्लाऊज आणि गळ्यात हार अशा खास लूकमध्ये प्राजक्ताचं सौंदर्य खुलून आलं आहे. दरम्यान, प्राजक्ताने शेअर केलेल्या या फोटोला चाहत्यांनीही अल्पावधीतच लाईक्स व कमेंट्सद्वारे पसंती दर्शवली आहे. (फोटो सौजन्य : प्राजक्ता माळी इन्स्टाग्राम)