‘तुला शिकवीन चांगलाच धडा’ फेम मास्तरीण बाईंचा मॉडर्न लूक, फोटो पाहून चाहते घायाळ

झी मराठी वाहिनीवरील ‘तुला शिकवीन चांगलाच धडा’ मालिकेतून प्रेक्षकांच्या भेटीला येणारी अभिनेत्री म्हणजे शिवानी रांगोळे. ‘तुला शिकवीन चांगलाच धडा’ मालिकेत शिवानी रांगोळे ‘मास्तरीणबाई’ उर्फ ‘अक्षरा’ची भूमिका साकारत आहे. शिवानी सोशल मीडियावर कायमच सक्रीय असते. सोशल मीडियाद्वारे ती तिचे अनेक फोटो शेअर करत असते. अशातच शिवानी सोशल मीडियावर नुकतेच मॉडर्न लूकमधील खास फोटो शेअर केले आहेत. शिवानीने शेअर केलेल्या या फोटोमध्ये तिने जो ड्रेस परिधान केला आहे, तो आठ वर्षांपुर्वीचा आहे. याबद्दल शिवानीने खास पोस्ट शेअर करत तिने आठ वर्षांनीही तिला हा ड्रेस अगदी फिट होत असल्याचे सांगितलं आहे. या पोस्टमध्ये शिवानीने असं म्हटलं आहे की, "७-८ वर्षे जुना ड्रेस मला अजूनही फिट बसतो याचं आश्चर्य वाटलं." याशिवाय शिवानीने "हा ड्रेस फॅशनेबल असो वा नसो पण माझ्या खूप आवडीचा आहे" असंही म्हटलं आहे. दरम्यान, शिवानीने शेअर केलेल्या या फोटोला चाहत्यांनीही लाईक्स व कमेंट्सद्वारे चांगलाच प्रतिसाद दिला आहे. (फोटो सौजन्य : इन्स्टाग्राम)