Photos : अमृता खानविलकरचं ‘ड्रीम होम’ पाहिलंत का? ‘असं’ सजवलं आहे नवीन घर, नेमप्लेट आहे खूपच खास…

मराठी सिनेविश्वाची 'चंद्रमुखी' म्हणून अमृता खानविलकरला ओळखलं जातं. काही दिवसांपूर्वीच अभिनेत्रीने मुंबईत तिचं 'ड्रीम होम' खरेदी केलं. अमृता खानविलकरचं हे नवीन घर २२ व्या मजल्यावर असून, तिने या फ्लॅटला 'एकम' असं नाव दिलं आहे. अभिनेत्रीने तिचं हे नवीन घर अतिशय सुंदररित्या सजवलं आहे. अमृताने तिच्या नव्या घराची झलक प्रेक्षकांबरोबर युट्यूब व्हिडीओच्या माध्यमातून शेअर केली आहे. गेल्यावर्षी नोव्हेंबर महिन्यात तिला या घराचा ताबा मिळाला होता. यानंतर संपूर्ण इंटिरियर केल्यावर, आपलं हक्काचं घर मनासारखं सजवल्यावर अभिनेत्रीने यावर्षी जानेवारी महिन्यात या नवीन घरात गृहप्रवेश केला. नव्या घरातील प्रशस्त हॉल, बेडरुम, वॉकिंग वॉर्डरोब या सगळ्याची झलक अमृताने प्रेक्षकांबरोबर शेअर केली आहे. अमृताच्या या नव्या घरातून खूपच सुंदर व्ह्यू पाहायला मिळतो. याशिवाय अभिनेत्रीच्या नव्या घराच्या नेमप्लेटने देखील सर्वांचं लक्ष वेधून घेतलं आहे. नेमप्लेटवर 'अमृता खानविलकर' या नावाखाली ‘एकम’ असं तिच्या घराचं नाव देखील लिहिण्यात आलं आहे. अमृताचं हे नवीन घर चाहत्यांच्या पसंतीस उतरलं आहे. सर्वांनी अभिनेत्रीचं या नव्या घरासाठी भरभरून कौतुक केलं आहे. ( सर्व फोटो सौजन्य : अमृता खानविलकर युट्यूब चॅनेलच्या व्हिडीओतून स्क्रिनशॉट )