श्रेयस तळपदेचा डॅशिंग अंदाज, जो तुम्हाला पाडेल त्याच्या प्रेमात, हे व्हायरल फोटो नक्की पाहा

श्रेयस तळपदे एक बहुपरिचित मराठी आणि हिंदी चित्रपटसृष्टीतील अभिनेता, दिग्दर्शक व निर्माता आहे. श्रेयसने त्याच्या अभिनय कारकिर्दीची सुरुवात २००५ मध्ये 'इक्बाल' या चित्रपटाद्वारे करून बॉलीवूडमध्ये पदार्पण केले. त्याचबरोबर 'ओम शांती ओम', 'गोलमाल' मालिका, 'हाऊसफुल २' व 'पोस्टर बॉईज' यांसारख्या यशस्वी चित्रपटांमध्ये श्रेयसने महत्त्वपूर्ण भूमिका साकारल्या. श्रेयसने अलीकडेच 'पुष्पा :द राईज' आणि 'पुष्पा २ :द रूल' या चित्रपटांच्या हिंदी डबिंगसाठी अल्लू अर्जुनच्या आवाजाची नक्कल केली आहे. सोशल मीडियावर अभिनेता चर्चेत असतो. सोशल मीडियावरील हे फोटो श्रेयसने झी मराठी वाहिनीवरील 'चल भावा सिटीत' या कार्यक्रमाच्या सेटवरून काढले आहेत. या लूकसाठी श्रेयसने पांढऱ्या रंगाचा टी-शर्ट, काळ्या रंगाचे जॅकेट व पॅन्ट परिधान केली आहे. या आउटफिटवर अभिनेत्याने निळ्या रंगाचा गॉगल वापरला आहेत. या गॉगलमुळे श्रेयसच्या लूकला एक वेगळेच सौंदर्य लाभले आहे. त्याचबरोबर या आउटफिटवर श्रेयसने एका हातात घड्याळ, तर दुसऱ्या हातात सोन्याचे कडे परिधान केले आहे. श्रेयसचा हा देखणा लूक चाहत्यांना घायाळ करणारा आहे. (सर्व फोटो सौजन्य : श्रेयस तळपदे / इंस्टाग्राम)