Photos: दहशतवादी हल्ल्यानंतर पहलगाममध्ये पोहोचला अतुल कुलकर्णी; फोटो व खास कविता शेअर करत म्हणाला…

Pahalgam Terror Attack: जम्मू-काश्मीरच्या (Jammu And Kashmir) पहलगाममध्ये मंगळवारी, २२ एप्रिलला हदशतवादी हल्ला झाला. 'मिनी स्वित्झर्लंड' (Mini Switzerland) अशी ओळख असलेल्या दक्षिण काश्मीरमधील बैसरन खोऱ्यात टेकडीवरून खाली उतरून दहशतवाद्यांनी पर्यटकांवर अंदाधुंद गोळीबार केला. ४० पर्यटकांना घेरून त्यांना लक्ष्य केले. येथे जाण्यासाठी अरुंद वाट असल्याने पर्यटकांना आडोशाला जाण्याची संधी मिळाली नाही. अलीकडील काही वर्षांत नागरिकांवर झालेला हा सर्वात मोठा हल्ला आहे. या दहशतवादी हल्ल्यात २६ पर्यटकांना आपला जीव गमवावा लागला. त्यानंतर पर्यटकांनी आता जम्मू काश्मीरकडे पाठ फिरवली आहे. मराठी अभिनेता अतुल कुलकर्णीने (Atul Kulkarni) पहगाममध्ये जाऊन काश्मिरी लोकांची भेट घेतली आहे. तसंच तिथल्या पर्यटनाला चालना मिळावी यासाठी पर्यटकांनी आवर्जून येथे यावे असे आवाहनही केले आहे. अतुलने सोशल मीडियावर एक कविता शेअर केली आहे. 'चला काश्मीरला जाऊ, सिंधू, झेलमच्या किनाऱ्यावर जाऊ, काश्मिरी लोकांचं म्हणणं ऐकू, काश्मिरी लोकांमध्ये मिसळू, चला काश्मीरला जाऊ. आम्हाला इथेच यायचं आहे, दहशतवादाला हरवायचं आहे' असा अतुलच्या कवितेचा अर्थ आहे. (सर्व फोटो सौजन्य : अतुल कुलकर्णी/इन्स्टाग्राम) (हेही पाहा : 'मुरांबा' फेम शिवानी मुंढेकरचा पांढऱ्या ड्रेसमध्ये समुद्रकिनारी बोल्ड लूक)