Star Pravah Kon Hotis Tu Kaay Zaalis Tu TV Serial Episode Shooting Actress Girija Prabhu Shared Experience

स्टार प्रवाह वाहिनीवरील 'कोण होतीस तू, काय झालीस तू' (Kon Hotis Tu Kaay Zaalis Tu) मालिकेला प्रेक्षकांचे भरभरुन प्रेम मिळत आहे. पहिल्याच आठवड्यात ६.७ टीआरपी मिळवत मालिकेची धमाकेदार सुरुवात झाली आहे. लवकरच या मालिकेत एक रोमांचक वळण पाहायला मिळणार आहे. कावेरी आणि उदयच्या अपघातानंतर चिमुकल्या चिकूला घेऊन कावेरी धर्माधिकारींच्या घरी येते. मात्र सुलक्षणा तिचा स्वीकार करत नाही. घरात स्थान हवे असेल तर मंदिराजवळ असलेल्या तलावातून कमळ आणण्यासाठी तिला सांगण्यात येते. त्या तलावात उतरणे म्हणजे साक्षात मृत्यूला कवटाळण्यासमान आहे. कावेरी हे आव्हान स्वीकारते आणि तलावत उतरते. कावेरीचा जीव वाचणार का हे मालिकेच्या पुढील भागांमधून कळेल. अभिनेत्री गिरीजा प्रभूसाठी (Girija Prabhu) हा सीन साकारणे आव्हानात्मक होते. साडी नेसून तलावात उतरणे म्हणजे तारेवरची कसरत. बॉडी डबल न वापरता गिरीजाने हा सीन पूर्ण केला आहे. कुडाळ येथील वालावल मंदिराजवळच्या तलावात हा सीन शूट करण्यात आला आहे. दलदल आणि कमळांचे पसरलेले जाळे यामध्ये शूट करणे जोखमीचे होते. या मालिकेच्या संपूर्ण टीमच्या मदतीने गिरीजाने यशस्वीरित्या हा सीन पूर्ण केला. जवळपास तीन तास या सीनचे शूट सुरु होते. संपूर्ण टीमच्या मेहनतीचं हे फळ आहे असे अभिनेत्री गिरीजा म्हणाली. (सर्व फोटो सौजन्य : गिरीजा प्रभू/इन्स्टाग्राम) (हेही पाहा : प्राजक्ता माळीचा काळ्या वन पिस ड्रेसमध्ये स्टायलिश अंदाज; फोटो व्हायरल)