पिवळी साडी- खण चोळीमधील सोनाली पाटीलचा मराठमोळा अंदाज, ‘आई तुळजाभवानी’ मालिकेच्या सेटवरील आठवणींत रमली…

अभिनेत्री सोनाली पाटील (Sonali Patil) बिग बॉस मराठीच्या तिसऱ्या पर्वातून घराघरांत पोहोचली. सोनाली पाटीलने सोनी टीव्हीवरील ‘जुळता जुळता जुळतंय की’ मालिकेत काम केले आहे. तसेच वैजू नंबर १ या मालिकेत अभिनेत्रीने मुख्य भूमिका साकारली. तसेच २०२४ मध्ये कलर्स मराठी वाहिनीवरील आई तुळजाभवानी या मालिकेतही तिने भूमिका साकारली होती. याच मालिकेच्या सेटवरील लूक तिने आता इन्स्टाग्रामवरून शेअर केला आहे. आई तुळजाभवानी या मालिकेत अभिनेत्रीने राजा महिषासुराच्या पत्नीची भूमिका साकारली होती. शुंभा असे तिच्या पात्राचे नाव होते. दरम्यान, तिचे हे फोटो सध्या सर्वांचे लक्ष वेधून घेत आहेत. या लूकमध्ये अभिनेत्री पारंपरिक मराठमोळ्या अंदाजात दिसून येत आहे. तिने पिवळ्या रंगाची साडी आणि खणाची चोळी परिधान केली आहे. सोनालीने या "फोटोंना जुनं ते सोनंआई तुळजाभवानी On set", असं कॅप्शन दिलं आहे. चाहत्यांनी तिच्या या फोटोंवर 'अस्सल मराठमोळं सौंदर्य ... कौतुक आणि आदर', 'चोळी मधे लय झाक दिसता ओ', अशा कमेंट्स केल्या आहेत. (सर्व फोटो साभार- सोनाली पाटील इन्स्टाग्राम)