Photos: किरण गायकवाडने सांगितला ‘देवमाणूस – मधला अध्याय’ मालिकेतील वाराणसी येथील शूटिंगचा अनुभव

झी मराठी वाहिनीवर २ जूनपासून 'देवमाणूस - मधला अध्याय' (Dev Manus Madhla Adhyay) ही मालिका प्रेक्षकांच्या भेटीला येणार आहे. या मालिकेत अभिनेता किरण गायकवाड मुख्य भूमिकेत दिसणार आहे. किरणने वाराणसी येथे केलेल्या शूटिंगचा अनुभव सांगितला आहे. किरण म्हणाला.. वाराणसीमध्ये शूटिंग करण्याचा अनुभव खूप कमाल होता. माझ्या बकेट लिस्ट मध्ये होतं की कधीतरी मी वाराणसीला जावं कारण तिकडच्या भाषेचा एक लहेजा आहे. गंगा नदी आणि तिकडचे सौंदर्य अनुभवायचे होत. मला कळल की वाराणसीला शूटिंग आहे तेव्हा माझा उत्साह अधिक वाढला होता. देवमाणूसच्या आधीच्या मालिकेत राजस्थानमध्ये शूट केलं तेव्हा मला तिकडची भाषा शिकायला मिळाली होती. राजस्थानी खाद्य पदार्थांचा आस्वाद घ्यायला मिळाला होता. आम्ही ३-४ दिवसांसाठी वाराणसीला शूट केल त्यामुळे टाईमलाइन खूप कट टू कट होती. वाराणसीच्या गल्लीमध्ये मी चढावर ८-९ किलोमीटर सलग सायकल चालवली आहे. खूप भयंकर हाल झाले होते माझे. सायकल जोरात चालवायची होती आणि त्यात सायकलची चेन ही निघत होती. २-३ वेळा मी पडतापडता राहिलो. मी पहिल्यांदाच वाराणसीला गेलो होतो. माझ्यासाठी सर्वच नवीन होते. तिकडे मणिकर्णिका घाट आहे, राजाहरिश्चंद्र घाट आहे. सर्वाना एकत्र गंगा आरतीमध्ये तल्लीन होताना मला बघायच होते. वाराणसीमधील स्पेशल पेहलवान लस्सी आणि कचोरी मला खूप आवडली. वाराणसीत मी आई आणि बायकोसाठी साड्यादेखील खरेदी केल्या. (सर्व फोटो सौजन्य : झी मराठी/इन्स्टाग्राम) (हेही पाहा : अंकिता वालावलकरने शेअर केले पॅरिसच्या डिस्नेलँडमधील खास फोटो)