Photos : प्राजक्ता माळीच्या घराची सुंदर नेमप्लेट पाहिलीत का? हटके डिझाईनने वेधलं लक्ष

प्राजक्ता माळीला मराठी मनोरंजन विश्वातील आघाडीची अभिनेत्री म्हणून ओळखलं जातं. आजवर तिने अनेक लोकप्रिय मालिका व चित्रपटांमध्ये काम केलेलं आहे. अलीकडेच प्राजक्ताने आपल्या राहत्या घराचे फोटो सोशल मीडियावर शेअर करत खास पोस्ट लिहिली आहे. प्राजक्ताला मुंबईतील घरात वास्तव्यास येऊन तब्बल १० वर्षे पूर्ण झाली आहेत. यानिमित्ताने प्राजक्ताने तिच्या घरी कीर्तन, पूजापाठ, भजन आणि गुरुपूजेचं आयोजन केलं होतं. प्राजक्ताने शेअर केलेल्या फोटोंमध्ये तिच्या घरातील बुकशेल्फची झलक पाहायला मिळाली. प्राजक्ताच्या घरातील बुकशेल्फ खूपच सुंदर आणि हटके आहे. याशिवाय तिच्या घराच्या नेमप्लेटने सुद्धा चाहत्यांचं लक्ष वेधून घेतलं आहे. अभिनेत्रीच्या नावाप्रमाणे प्राजक्ताच्या फुलांची डिझाईन या नेमप्लेटमध्ये पाहायला मिळते. ( सर्व फोटो सौजन्य : प्राजक्ता माळी इन्स्टाग्राम/ नेमप्लेट-bonheurgifts )