ना चहा, ना कॉफी…; पत्नी जिनिलीयाने सांगितली रितेशची आवड, देशमुख कुटुंबीयांचा आवडता पदार्थ कोणता?

रितेश व जिनिलीया देशमुख यांची जोडी सोशल मीडियावर कायम चर्चेत असते. त्यांच्या वैयक्तिक आयुष्याबद्दल जाणून घेण्याची चाहत्यांना नेहमीच उत्सुकता असते. वैयक्तिक आयुष्यात, रितेश-जिनिलीया शाकाहारी असून त्यांनी काही वर्षांपूर्वी ‘इमॅजिन मीट्स’ हा प्लान्ट बेस्ड खाद्यपदार्थांचा ब्रँड सुरू करून स्वत:च्या जीवनशैलीत काही महत्त्वाचे बदल केले आहेत. रितेश देशमुख चहा-कॉफीचं सेवन देखील करत नाही. रितेश व जिनिलीयाने एका मुलाखतीदरम्यान त्यांच्या आवडत्या पदार्थांचा खुलासा केला होता. या दोघांना “कॉफी की चहा? तुम्हाला काय आवडतं?” हा प्रश्न विचारण्यात आला होता. यावर जिनिलीयाने कॉफी असं उत्तर दिलं होतं आणि रितेश चहा-कॉपी पीत नाही, असं अभिनेत्रीने सांगितलं होतं. चहा-कॉफीऐवजी रितेश देशमुख ग्रीन टी पितो. याशिवाय देशमुख कुटुंबीयांचा आवडता पदार्थ कोणता? हा प्रश्न विचारल्यावर या दोघांनी ‘वडापाव विथ ठेचा’ असं उत्तर दिलं. वडापाव खायचा मला कधीच कंटाळा येणार नाही असंही रितेशने सांगितलं होतं. ( सर्व फोटो सौजन्य : रितेश व जिनिलीया देशमुख इन्स्टाग्राम )