‘शिवा’च्या सासू-सासऱ्यांनी अचानक सोडली मालिका! आता मालिकेत झळकणार ‘हे’ दोन नवीन कलाकार, पाहा फोटो…

‘झी मराठी’वर गेल्यावर्षी फेब्रुवारी ( २०२४ ) महिन्यात ‘शिवा’ मालिका प्रेक्षकांच्या भेटीला आली होती. यामध्ये अभिनेत्री पूर्वा कौशिक आणि अभिनेता शाल्व किंजवडेकर यांनी प्रमुख भूमिका साकारल्या आहेत. या मालिकेने अल्पावधीतच प्रेक्षकांची मनं जिंकून घेतली. सध्या ही मालिका दोन कलाकारांनी लागोपाठ एक्झिट घेतल्यामुळे चर्चेत आली आहे. या मालिकेत सिताईंची ( शिवाच्या सासूबाई ) भूमिका साकारणाऱ्या मीरा वेलणकरांनी भावुक पोस्ट शेअर करत या मालिकेचा निरोप घेतला. आता सिताईंपाठोपाठ ‘शिवा’च्या सासऱ्यांची भूमिका साकारणाऱ्या समीर पाटील यांनीही ही मालिका सोडली आहे. मालिकेचा निरोप घेताना अभिनेते समीर पाटील यांनी सोशल मीडियावर भावुक पोस्ट शेअर केली होती. आता इथून पुढे सिताईंची भूमिका मालिकेत अभिनेत्री स्नेहा रायकर साकारणार आहेत. तर, रामभाऊंच्या ( रामचंद्र देसाई ) भूमिकेत अभिनेते रमेश वाणी झळकणार आहेत. दरम्यान, 'शिवा' मालिका 'झी मराठी' वाहिनीवर रात्री ९ वाजता प्रसारित केली जाते. ( सर्व फोटो सौजन्य : झी मराठी, मीरा वेलणकर, समीर पाटील इन्स्टाग्राम )