ना मुंबई, ना पुणे…; आर्ची पोहोचली ‘या’ राज्यात! रिंकू राजगुरुने शेअर केले पावसाळी ट्रेकचे सुंदर फोटो…

‘सैराट’ चित्रपटामुळे अभिनेत्री रिंकू राजगुरु महाराष्ट्राच्या घराघरांत लोकप्रिय झाली. तिचा चाहतावर्ग मोठ्या प्रमाणात आहे. ‘सैराट’ प्रदर्शित होऊन आता ९ वर्षे उलटली आहेत तरीही, महाराष्ट्राच्या घराघरांत रिंकूला 'आर्ची' म्हणून ओळखलं जातं. पावसाळा सुरू झाला की, अनेक कलाकार विविध निसर्गरम्य ठिकाणी फिरायला जात असतात. रिंकू सुद्धा एका सुंदर ठिकाणी फिरायला गेली आहे. पावसाळ्यात विविध गड-किल्ल्यांवर किंवा धबधब्यांजवळ अनेकजण ट्रेकिंगला जात असतात. मुंबई-पुण्यापासून जवळ असलेल्या पर्यटन स्थळांवर वीकेंडला प्रचंड गर्दी होते. मात्र, रिंकूने तिच्या पावसाळी ट्रिपसाठी मुंबई-पुण्याची निवड न करता ती थेट दुसऱ्या राज्यात पोहोचली आहे. या निसर्गरम्य जागेचे फोटो अभिनेत्रीने सोशल मीडियावर शेअर केले आहेत. रिंकूने तिच्या पावसाळी ट्रेकचे फोटो शेअर करत "प्रत्येक नवीन जागा तुम्हाला एक वेगळा अनुभव देऊन जाते..." असं कॅप्शन दिलं आहे. रिंकूने शेअर केलेल्या एका फोटोंमध्ये "लोध वाटरफॉल हिडन जेम ऑफ झारखंड" असा फलक लावल्याचं पाहायला मिळत आहे. यावरून अभिनेत्री झारखंड येथे फिरायला गेल्याचं स्पष्ट होत आहे. लोध धबधब्याच्या परिसरात रिंकूने सुंदर फोटो काढले आहेत. रिंकूने हे फोटो शेअर करताना शाहरुख खानच्या 'जब तर है जान' चित्रपटातील "जिया रे..." गाणं लावलं आहे. नेटकऱ्यांनी अभिनेत्रीच्या या फोटोंवर कौतुकाचा वर्षाव केला आहे. ( सर्व फोटो सौजन्य : रिंकू राजगुरु इन्स्टाग्राम )