कधीकाळी यशाच्या शिखरावर, नंतर अडकली वादात, आता ओटीटीवरून पुनरागमन; कोण आहे ‘ही’ अभिनेत्री?

अभिनेत्री श्वेता बासू प्रसाद हिचं नाव पुन्हा एकदा चर्चेत आलं आहे. एकेकाळी बालकलाकार म्हणून गाजलेली श्वेता आता ओटीटीच्या माध्यमातून कमबॅक करत आहे. . वयाच्या केवळ १७व्या वर्षीच तिने राष्ट्रीय पुरस्कार जिंकला होता. ‘मकडी’ या चित्रपटातील भूमिकेमुळे तिच्या अभिनयाचं कौतुक झालं. बालकलाकार म्हणून यश मिळवलेल्या श्वेताने नंतर अनेक हिंदी आणि दाक्षिणात्य चित्रपटांतही काम केलं. तिचं करिअर चांगलं सुरू असतानाच एक वादग्रस्त स्कँडल तिच्या आयुष्यात आलं आणि अचानक ती प्रकाशझोतातून दूर गेली. या प्रकरणामुळे तिच्या अभिनय कारकिर्दीला मोठा फटका बसला. काही काळासाठी तिने माध्यमांपासून दूर राहणं पसंत केलं. मात्र, काही वर्षांनी तिने पुन्हा नव्या आत्मविश्वासानं पुनरागमन केलं. ओटीटी प्लॅटफॉर्मवरील ‘क्रिमिनल जस्टीस’ या वेब सीरिजमधून ती पुन्हा प्रेक्षकांसमोर आली. श्वेताच्या अभिनयाला पुन्हा एकदा दाद मिळू लागली आहे. तिच्या परताव्यावर सोशल मीडियावरही चांगला प्रतिसाद दिसून येतो आहे. एक काळ अडचणींचा सामना करून, आज श्वेता बसू प्रसाद पुन्हा नव्या जोमाने काम करत आहे आणि स्वतःचं स्थान पुन्हा मिळवते आहे. (सर्व फोटो सौजन्य : श्वेता बासू प्रसाद/ इंस्टाग्राम) (हेही पाहा: Photos: ‘महाराष्ट्राची हास्यजत्रा’फेम शिवाली परबचा मनमोहक लूक, केशरी रंगाच्या ड्रेसमधील खास फोटो केले शेअर)