Photos : “ही साडी अभिमानाने परिधान केली…”; सायली पाटीलचं मराठमोळ्या लूकमधलं फोटोशूट चर्चेत…

मराठमोळी अभिनेत्री सायली पाटीलने अनेक मराठी चित्रपटांमध्ये कमाल अभिनय केला आहे. तिने नागराज मंजुळेंच्या झुंड, घर बंदूक बिर्याणी या चित्रपटांत मुख्य अभिनेत्रीच्या भूमिका साकारल्या आहेत. तसेच 'येक नंबर' या चित्रपटातली तिची भूमिकाही लक्षवेधी होती. दरम्यान, सायली सोशल मीडियावरही सक्रिय राहते. तिने शेअर केलेलं नवं फोटोशूट सध्या चर्चेत आलं आहे. या फोटोंमध्ये तिने अस्सलं मराठमोळा श्रृंगार केलाय. कपाळावर चंद्रकोर, नाकात नथ, केसांत गजरा, गळ्यात मोत्यांचा हार, तिच्या या खास लूकनं साऱ्यांचंच लक्ष वेधलंय. दरम्यान, सायलीने कॅप्शनमधून साडीबद्दल माहिती देताना तिच्या भावना व्यक्त केल्या आहेत. तिने सांगितलं, "ही सुंदर साडी अभिमानाने परिधान केली." पुढे तिने लिहिलंय की, "ही साडी पूर्व भारतातील पट्टाचित्र कला व दक्षिण भारतातल्या मंगलगिरी रेशमाच्या मिश्रणातून बनलीय. हे म्हणजे दोन नद्यांच्या संगमासारखंच झालं ना?" दरम्यान, तिच्या या फोटोंवर चाहते प्रचंड लाईक्स व कमेंट्स करत आहेत. (सर्व फोटो साभार- सायली पाटील इन्स्टाग्राम) हेही पाहा- हत्ती आणि माणसातील भावनिक नात्याचे बंध उलगडणारे ८ चित्रपट