Photos: रूपाली भोसलेचं जांभळ्या साडीत सुंदर फोटोशूट; फोटो पाहून चाहते घायाळ

अभिनेत्री रूपाली भोसले हिचे नवीन फोटोशूट सध्या चर्चेचा विषय ठरत आहे. जांभळ्या रंगाची सुंदर साडी परिधान करून तिने दिलेल्या पोजेस चाहत्यांचे लक्ष वेधून घेत आहेत. "आज माझा आवडता रंग जांभळा असेल," अशी कॅप्शन देत तिने हे फोटो शेअर केले आहेत. पारंपरिक पेहरावात रूपालीचा सौम्य आणि आकर्षक लूक पाहायला मिळतो आहे. या लूकमध्ये तिचे सौंदर्य अधिक खुलून आले असून, तिच्या हसऱ्या चेहऱ्याने फोटोंना उठाव मिळाला आहे. हातात पुस्तक घेऊन बसलेली तिची एक प्रतिमा विशेष भाव खाऊन जाते. साडीवरील सोनेरी बुट्ट्या आणि किनारीवरील नक्षीवर्कने पोशाखाला वेगळीच शोभा आली आहे. निसर्गरम्य पार्श्वभूमी आणि जांभळ्या साडीचा संगम तिच्या सौंदर्याला अधिक उठाव देतो. (सर्व फोटो सौजन्य : रूपाली भोसले/इन्स्टाग्राम)