‘नवरी मिळे हिटलरला’ फेम राकेश बापटचे पारंपारिक वेशभूषेतील फोटो तुम्ही पाहिले का? ६ वा फोटो आहे खूपच खास

अभिनेता राकेश बापट हा 'नवरी मिळे हिटलरला' या मालिकेतून प्रेक्षकांच्या भेटीला आला होता. या मालिकेतील त्याची एजे उर्फ अभिराम जहागिरदार ही भूमिका प्रचंड गाजली. काही महिन्यांपूर्वी या मालिकेने प्रेक्षकांचा निरोप घेतला. आता सोशल मीडियाच्या माध्यमातून हे कलाकार प्रेक्षकांच्या भेटीला येत असल्याचे पाहायला मिळते. राकेश बापटने नुकतेच सोशल मीडियावर काही फोटो शेअर केले आहे. पोपटी रंगाचा कुर्ता, केसरी रंगाचा शेला, पांढऱ्या रंगाचे धोतर अशा पारंपारिक वेशभूषेत तो दिसत आहे. स्वातंत्र्यदिनानिमित्त अभिनेत्याने हे फोटो शेअर केले आहेत. अभिनेत्याने शेअर केलेल्या एका फोटोमध्ये त्याच्या हातात सितार दिसत आहे. अभिनेत्याचा हा लूक लक्ष वेधून घेत आहे. अनेक चाहत्यांनी कमेंट करत त्याचे कौतुक केले आहे. अभिनेत्री भूमिजा पाटीलने हार्ट इमोजी शेअर करत प्रेम व्यक्त केले आहे. चाहत्यांनी छान दिसत असल्याच्या अनेक कमेंट केल्या आहेत. दरम्यान, आता अभिनेता आगामी काळात कोणत्या प्रोजेक्टमधून प्रेक्षकांच्या भेटीला येणार, याची चाहते उत्सुकतेने वाट पाहत आहेत. (सर्व फोटो सौजन्य:राकेश बापट इन्स्टाग्राम)