सलमान खानचं गॅलेक्सी अपार्टमेंटमधील घर पाहिलंत का? हजारो कोटींचा मालक असूनही भाईजान 1BHK मध्ये का राहतो? वाचा…

सलमान खान गेली अनेक वर्षे वांद्रे येथील गॅलेक्सी अपार्टमेंटमध्ये राहतो. भाईजानच्या घरी नेहमीच अनेक सेलिब्रिटींचा गोतावळा असतो. त्याच्या घरी अनेक कलाकार भेट देत असतात. हजारो कोटींचा मालक असलेला सलमान गॅलेक्सी अपार्टमेंटमध्ये का राहतो? असा प्रश्न त्याच्या बहुसंख्य चाहत्यांना पडला आहे. २००९ मध्ये फराह खानच्या ‘तेरे मेरे बीच में’ या कार्यक्रमात सलमानला त्याच्या घराबद्दल प्रश्न विचारण्यात आला होता. यावेळी आई-बाबांच्या जवळ राहता यावं यासाठी त्याने घर बदललं नाही असं अभिनेत्याने सांगितलं होतं. “बॉलीवूडमध्ये तू सुपरस्टार आहेस. करोडोंच्या घरात संपत्ती आहे, तरी आजही तू १ बीएचके घरात का राहतोस? तुझं घर तुझ्या आईच्या घराखाली आहे हे यामागचं कारण आहे का?” असा प्रश्न फराह खानने सलमानला विचारला होता. यावर सलमान खान म्हणाला, “हो खरंतर आमच्या घरी तीन रुम्स आणि हॉल होता. परंतु, आता या घरात एकच बेडरुम हॉल कसा राहिला मला माहिती नाही.” सलमान खानचे घर गॅलेक्सी अपार्टमेंटच्या तळमजल्यावर आहे. तर, त्याचे आई-बाबा पहिल्या माळ्यावर राहतात. फराह पुढे विचारते, “मला वाटतं कदाचित आई-बाबांच्या जवळ राहून तुझ्या मनात सुरक्षिततेची भावना निर्माण झाली आहे." यावर सलमान सांगतो, हो कारण, जेव्हा मी त्यांच्या घरी म्हणजे वरच्या मजल्यावर राहायला जातो, तेव्हा मी आई-वडिलांच्या शेजारी झोपतो.” (सर्व फोटो - इन्स्टाग्राम व इंडियन एक्सप्रेस)