लग्नाआधी शिल्पा शेट्टीने नवऱ्यासमोर ठेवली ‘ही’ अट; किस्सा सांगताना राजकुंद्रा म्हणाला, “त्या एका शब्दामुळे मी आयुष्यभरासाठी भारतात राहिलो”

बॉलीवूड अभिनेत्री शिल्पा शेट्टी आणि उद्योगपती राज कुंद्रा यांची प्रेमकथा आजही चाहत्यांना आकर्षित करते. दोघांनी लग्नाआधी एकमेकांसमोर ठेवलेल्या अटी आजही चर्चेत आहेत. शिल्पा शेट्टीने स्पष्ट सांगितले होते की, ती कधीही एनआरआय किंवा परदेशी व्यक्तीशी लग्न करणार नाही. याच कारणामुळे कुंद्राला भारतात स्थायिक व्हावे लागले. राज कुंद्राचा जन्म आणि संगोपन लंडनमध्ये झाले होते. पंजाबमधून आलेल्या त्याच्या पालकांनी तिथेच कुटुंब वसवले होते. नंतर कुंद्राने दुबईमध्ये व्यवसाय उभा केला. अमेरिकेमध्ये एका कार्यक्रमादरम्यान कुंद्राची भेट शिल्पा शेट्टीशी झाली. ‘बिग ब्रदर सीझन ५’ हा शो जिंकलेल्या शिल्पाची मॅनेजर त्याची जवळची मैत्रीण होती आणि त्यामुळे त्यांचा परिचय झाला. शिल्पाशी लग्न करण्यापूर्वी कुंद्राने मोठा निर्णय घेतला. त्याने मुंबईतील जुहूमध्ये अमिताभ बच्चन यांचा बंगला ‘जलसा’समोर उभ्या राहत असलेल्या सात मजली अपार्टमेंटमधील फ्लॅट खरेदी केला. शिल्पाला प्रपोज करताना कुंद्राने हा फ्लॅट तिला भेट दिला. त्या क्षणीच शिल्पाने होकार दिला आणि त्यांची प्रेमकथा पुढे सरकली. शिल्पाच्या वडिलांच्या निधनानंतर तिची आई सुनंदा शेट्टीही या दाम्पत्यासोबत राहू लागली. कुंद्राने स्वतःहून तिला घरी आणले, असे त्याने एका मुलाखतीत सांगितले. आज शिल्पा आणि राज कुंद्रा हे दोन मुलांचे आई-वडील आहेत मुलगा वियान आणि मुलगी समीशा. कुटुंबासह ते मुंबईतच आपले आयुष्य आनंदात जगत आहेत.