Photos : कार्तिकी गायकवाडच्या ‘या’ नव्या गाण्याने गणेशोत्सवाला सुरुवात; पारंपरिक नऊवारी साडी व शेल्याने वेधले लक्ष

गणेशोत्सव २०२५ च्या निमित्ताने गायिका कार्तिकी गायकवाडने (kartiki gaikwad) पारंपरिक नऊवारी लूक शेअर केला. पिवळ्या रंगाच्या नऊवारी साडीला लाल शालू परिधान करून, कार्तिकीने गणेशोत्सवासाठी खास लूक साकारला आहे. नथ, गजरा व मोत्यांचे दागिने यांसह लाल रंगाचा पारंपरिक शेला घेतलेली कार्तिकी अतिशय देखणी दिसते. पारंपरिक लूकसोबत कार्तिकीने 'गणपती बाप्पा मोरया' हे नवे गाणे चाहत्यांसाठी सादर केले आहे. कार्तिकी गायकवाड नेहमीच लोकसंगीत आणि भक्तिगीतांमुळे ओळखली जाते. तिच्या नव्या गाण्यातून गणरायाचे अधिक भक्तिभावाने स्वागत होणार आहे. सोशल मीडियावर तिचा हा पारंपरिक गणेशोत्सवी लूक चाहत्यांना खूप भावतो आहे. कार्तिकीने नेहमीप्रमाणे आपल्या सुरेल आवाजाने भक्तांना मंत्रमुग्ध केले आहे. गणेशोत्सवाच्या आनंदात तिच्या गणपती बाप्पा मोरया या नव्या गाण्याची भर पडली आहे. (सर्व फोटो सौजन्य : कार्तिकी गायकवाड/इन्स्टाग्राम) (हेही पाहा: Photos : गुलाबी ब्लाऊज, मोरपंखी साडी; दीपाली पानसरेचे पारंपरिक पोशाखातले 'हे' फोटो पाहिलेत का?)