‘नवरी मिळे हिटलरला’ फेम वल्लरी विराजने शेअर केले फोटो; अभिनेत्रीच्या लूकने वेधले लक्ष

अभिनेत्री वल्लरी विराजला 'नवरी मिळे हिटलरला' या मालिकेतील भूमिकेमुळे मोठी लोकप्रियता मिळाली. नवरी मिळे हिटलरला मालिकेतील तिची लीला ही भूमिका चांगलीच गाजली. आता मालिका संपली असली तरी अभिनेत्री सोशल मीडियाच्या माध्यमातून प्रेक्षकांच्या भेटीला येत असते. अनेक डान्स व्हिडीओ, फोटो ती शेअर करत असते. विशेष म्हणजे तिने शेअर केलेल्या सोशल मीडियावरील पोस्टला प्रेक्षकांचा उत्तम प्रतिसाद मिळतो. आता अभिनेत्रीने तिच्या इन्स्टाग्राम अकाउंटवर काही फोटो शेअर करत चाहत्यांचे लक्ष वेधून घेतले आहे. वल्लरीने शेअर केलेल्या फोटोमध्ये ती पारंपारिक पेहरावात दिसत आहे. तिने साडी नेसली आहे. हे फोटो शेअर करताना तिने गणेश चतुर्थी असे लिहिले आहे. तिच्या या फोटोंवर अनेकांनी सुंदर अशा कमेंट केल्या आहेत. तर आलापिनी निसळने गोड असे लिहित तिचे कौतुक केले आहे. वल्लरी विराज व आलापिनी निसळ अनेक वेगळ्या संकल्पना असलेल्या डान्स व्हिडीओच्या माध्यमातून प्रेक्षकांच्या भेटीला येतात. त्यांचे हे व्हिडीओ प्रेक्षकांना आवडत असल्याचे दिसते. (फोटो सौजन्य: वल्लरी विराज इन्स्टाग्राम)