Photos : “सगळे विचारत होते, मराठी चित्रपट कधी करणार?…” प्रिया बापटची पोस्ट चर्चेत; फोटो शेअर करीत म्हणाली…

मराठी अभिनेत्री प्रिया बापट हिने नुकतीच एक पोस्ट सोशल मीडियावर शेअर केली आहे. प्रिया बापट हिचा 'बिन लग्नाची गोष्ट' हा नवीन चित्रपट प्रेक्षकांच्या भेटीला येत आहे. ‘बिन लग्नाची गोष्ट’ १२ सप्टेंबरला प्रेक्षकांच्या भेटीला येणार आहे. या मराठी चित्रपटाची सर्वत्र चर्चा रंगली आहे. गिरीश ओक आणि निवेदिता सराफ ही लोकप्रिय जोडीदेखील चित्रपटात झळकणार आहे. प्रियाने उमेश कामत, गिरीश ओक, निवेदिता सराफ यांच्यासोबतचे काही फोटो शेअर केले आहेत. प्रिया पोस्ट करीत म्हणाली, "सगळे विचारत होते की, मराठी चित्रपट कधी करणार? मीपण विचारत होते; कधी चांगलं कथानक येणार? २०१८ ला 'आम्ही दोघी' प्रदर्शित झाला आणि आता १२ सप्टेंबर ला 'बिन लग्नाची गोष्ट' येतोय. अखेर योग आला. चांगलं कथानक, अनुभवी व ताकदीचे सहकलाकार, मनाला भिडणारे संवाद, मोट मस्त बांधली आहे. आता तुम्ही चित्रपटगृहात जाऊन चित्रपट बघा आणि तुमच्या प्रतिक्रिया कळवा" या चित्रपटात प्रिया एका गरोदर महिलेच्या भूमिकेमध्ये दिसणार आहे त्यामुळे या चित्रपटाची उत्सुकता जास्त वाढली आहे. (सर्व फोटो सौजन्य : प्रिया बापट/इन्स्टाग्राम) (हेही पाहा:Photos: दाक्षिणात्य साडी, ऑफ-शोल्डर ब्लाऊज; अमृता धोंगडेचा लूक चर्चेत )