Photos : एआयनिर्मित नवरात्रीचा लूक; किशोरी गोडबोलेने नवरात्रीच्या शुभेच्छा देत केले फोटो शेअर

नवरात्रीच्या स्वागतासाठी मराठी अभिनेत्री किशोरी गोडबोले हिने सोशल मीडियावर खास शुभेच्छा पोस्ट टाकली आहे. या पोस्टमधील तिचे सर्व फोटो एआय तंत्रज्ञानाद्वारे तयार केलेले असून, ते पारंपरिक साड्यांमध्ये सादर करण्यात आले आहेत. नवरात्रीच्या नऊ दिवसांचे प्रतीक मानले जाणारे नऊ रंग अभिनेत्रीच्या प्रत्येक लूकमध्ये दिसून येतात. शारदीय नवरात्रोत्सवाच्या शुभेच्छा – दैवी स्त्रीत्वाचा उत्सव' अशी कॅप्शन देत तिने देवीभक्तांना शुभेच्छा दिल्या आहेत. कृत्रिम बुद्धिमत्तेचा वापर करून नवरात्रीसाठी केलेली ही पोस्ट प्रेक्षकांसाठी अनोखा आणि आकर्षक अनुभव ठरली आहे. कॅप्शनमध्ये तिने 'A celebration of the, Divine Feminine Just enjoying the nine colours trend and Al trend', असेही लिहिले आहे. नवरात्रीचे सांस्कृतिक आणि आध्यात्मिक महत्त्व एआयनिर्मित फोटोंद्वारे अधोरेखित झाले आहे. आधुनिक तंत्रज्ञान आणि पारंपरिक सण यांचा सुंदर संगम या पोस्टमधून स्पष्ट दिसतो. किशोरी गोडबोले हिच्या एआयनिर्मित साडीतील लूकने चाहत्यांमध्ये उत्सुकता आणि कौतुकाची भावना निर्माण केली आहे. (सर्व फोटो सौजन्य : किशोरी गोडबोले/इन्स्टाग्राम)