Photos: राष्ट्रीय पुरस्कार विजेती त्रिशा ठोसरचं बॉलिवूड कलाकारांबरोबर खास फोटोशूट

71st National Film Awards: २३ सप्टेंबर रोजी नवी दिल्लीतील विज्ञान भवन येथे ७१ वा राष्ट्रीय चित्रपट पुरस्कार सोहळा पार पडला. बालकलाकार त्रिशा ठोसरला (Treesha Thosar) 'नाळ २' (Naal 2 Marathi Movie) या चित्रपटासाठी राष्ट्रीय पुरस्कार मिळाला. या चित्रपटात चिमी (Chimi) हे पात्र तिने साकारले आहे. १० नोव्हेंबर २०२३ रोजी झी स्टुडिओज आणि नागराज मंजुळे निर्मित (Nagraj Manjule), सुधाकर रेड्डी यक्कंटी (Sudhakar Reddy Yakkanti) दिग्दर्शित 'नाळ २' हा चित्रपट प्रदर्शित झाला होता. राष्ट्रीय पुरस्कार सोहळ्यासाठी त्रिशाने पांढऱ्या रंगाची सुंदर साडी (White Saree Look) नेसली होती. त्रिशाने राष्ट्रीय पुरस्कार विजेते बॉलिवूड कलाकार यांच्याबरोबर खास फोटोशूट (Photoshoot With Bollywood Actors) केले होते. 'त्रिशा अतिशय गुणी मुलगी आहे. तिचे पाठांतर अतिशय उत्तम आहे. इतकी लहान असूनही तिने चित्रीकरणादरम्यान कधीच त्रास दिला नाही' असे सुधाकर रेड्डी एका मुलाखतील म्हणाले होते. 'नाळ २' चित्रपटाच्या सेटवर त्रिशाचा चौथा वाढदिवस साजरा (Treesha Thosar Happy Birthday Celebration) केला होता. 'नाळ २' श्रीनिवास पोकळे, भार्गव जगताप, नागराज मंजुळे, देविका दफ्तरदार, दीप्ती देवी आणि जितेंद्र जोशी यांच्या प्रमुख भूमिका आहेत. (सर्व फोटो सौजन्य : त्रिशा ठोसर/इन्स्टाग्राम) (हेही पाहा : शारदीय नवरात्रीनिमित्त क्रांती रेडकरचं पिवळ्या इरकल साडीत फोटोशूट)