‘झी मराठी अवॉर्ड्स २०२५’ नामांकन सोहळ्यामध्ये मृण्मयी गोंधळेकरचा एलिगंट लूक

‘झी मराठी अवॉर्ड्स २०२५’ नामांकन सोहळ्यात अभिनेत्री मृण्मयीने आपल्या मोहक लूकने साऱ्यांचे लक्ष वेधून घेतले. तिने परिधान केलेला एलिगंट काळ्या रंगाचा गाऊन तिच्या व्यक्तिमत्त्वाला अधिक उठावदार ठरला. गाऊनचा शायनी टॉप आणि फ्लोअर लेंग्थ डिझाईन तिच्या स्टाईलला ग्रेसफुल टच देत होता. साधेपणातल्या आकर्षकतेने सजलेला हा लूक खूपच रॉयल भासत होता. कानात सुंदर इअररिंग्स आणि हातातल्या झगमगणाऱ्या बांगड्यांनी तिच्या ड्रेसला परिपूर्ण पूरकता दिली. केसांना साधा बंधलेला बन आणि न्यूड मेकअपने तिच्या संपूर्ण लूकला क्लासिक फिनिश दिले. रेड कार्पेटवर मृण्मयी आत्मविश्वासाने पोझ देताना एक वेगळीच झळाळी दाखवत होती. ब्लॅक ड्रेससोबतचा तिचा स्टाईल स्टेटमेंट खऱ्या अर्थाने ‘ग्लॅमरस’ म्हणावा असा होता. झी मराठी अवॉर्ड्सच्या या रंगमंचावर मृण्मयीचा हा लूक प्रेक्षकांच्या मनात नक्कीच घर करून गेला.(सर्व फोटो सौजन्य : मृण्मयी गोंधळेकर/इन्स्टाग्राम)