Photos: “साडी नाही जणू चंद्रच पांघरलाय”; प्राजक्ता माळीचं राखाडी साडीमध्ये बहारदार फोटोशूट, चाहते घायाळ!

'महाराष्ट्राची हास्यजत्रा' शोचं सुत्रसंचलन करणारी अभिनेत्री प्राजक्ता माळीने राखाडी रंगाची साडी परिधान केलेले सुंदर फोटो शेअर केले आहेत. आज शारदीय नवरात्रौत्सवाचा सहावा दिवस आहे. या सहाव्या दिवशीचा रंग राखाडी आहे. त्यानिमात्ताने प्राजक्ताने ही साडी परिधान केली आहे. प्राजक्ताने स्लिव्हलेस ब्लाऊजसह परिधान केलेली साडी खूप आकर्षक आहे. या साडीवर प्राजक्ताने सुंदर हार व दागिने पेअर केले आहेत, जे तिला अतिशय सुंदर दिसत आहेत. या साडीमध्ये प्राजक्ताने एकापेक्षा एक छानछान पोझमध्ये फोटो काढले आहेत. या फोटोंना तिने कॅप्शनमध्ये राखाडी, नवरात्री असे हॅशटॅग्स वापरले आहेत. प्राजक्ताच्या या फोटोंवर नेटकरी घायाळ झाले आहेत व विविध प्रतिक्रिया देत आहेत, तर सिनेविश्वातील अनेक कलाकारांनीही तिचं हे फोटोशूट लाईक केलं आहे. "ती साडी नाही जणू चंद्रच पांघरलाय" अशी खास कमेंट एका चाहत्याने प्राजक्ताच्या फोटोशूटवर केली आहे. तर दुसऱ्या एकाने "रोज रोज कुठले नवीन शब्द आणायचे यार तुझं कौतुक करण्यासाठी", असं लिहिलंय. प्राजक्ताचा आणखी एक बहारदार लूक (सर्व फोटो साभार- प्राजक्ता माळी इन्स्टाग्राम) हेही पाहा- ओ स्त्री…! लांबसडक वेणी, लाल साडी अन्…; ‘थामा’ ट्रेलर रिलीज इव्हेंटमधला श्रद्धा कपूरचा लूक चर्चेत…