शंतनू मोघेने शेअर केले प्रिया मराठेबरोबरचे कँडिड फोटो; नेटकरी म्हणाले ‘जोडीदार कसा…’

लोकप्रिय मराठी अभिनेत्री प्रिया मराठेचे (Priya Marathe) ३१ ऑगस्ट रोजी पहाटे चार वाजता वयाच्या ३८ व्या वर्षी कर्करोगाने निधन झाले. प्रियाच्या अकाली निधनाने कलाकारांसह चाहत्यांना ही धक्का बसला आहे. प्रियाने 'चार दिवस सासूचे', 'बडे अच्छे लगते है', 'पवित्र रिश्ता' अशा अनेक गाजलेल्या मालिकांमध्ये महत्वपूर्ण भूमिका साकारल्या होत्या. प्रत्येक सादरीकरणातून प्रियाने प्रेक्षकांच्या मनावर अविस्मरणीय ठसा उमटवला होता. प्रियाचा पती अभिनेता शंतनू मोघेने (Shantanu Moghe) आज इन्स्टाग्रामवर तिच्याबरोबरचे काही कँडिड फोटो शेअर केले आहेत. या फोटोंमध्ये प्रिया व शंतनू विमान प्रवास करत फोटोंसाठी कँडिड पोज देत आहेत. शंतनूने शेअर केलेल्या फोटोंवर नेटकरी म्हणाले, "तू जोडीदार कसा असावा याचा धडा घालून दिला आहेस…यापुढे तरी तुझ्या वाटेत काटे न पसरण्याची जबाबदारी देवाने घ्यावी हीच प्रार्थना…" (सर्व फोटो सौजन्य : शंतनू मोघे/इन्स्टाग्राम) (हेही पाहा : नवरात्रीच्या दहाव्या दिवशी श्रेया बुगडे जांभळ्या नऊवारी साडीत साजशृंगार)