Photos: जरीदार काठ, आकर्षक दागिने… प्राजक्ता माळीचा देखणा लूक पाहून चाहते म्हणाले, ‘हीच खरी मराठी सौंदर्यवती’

नवरात्र उत्सवाच्या निमित्ताने अभिनेत्री प्राजक्ता माळीने पारंपरिक साडीत आपला लूक साकारला असून, तिच्या या लूकची सर्वत्र चर्चा होत आहे नवरात्रीत देवीची उपासना आणि स्त्रीशक्तीची पूजा केली जाते. हाच उत्सव प्राजक्ता माळीने तिच्या जांभळ्या पैठणीच्या मोहक अवतारातून साजरा केला आहे. चांदीच्या जरीने सजलेली ही साडी पारंपरिक सौंदर्याची झलक दाखवते. प्राजक्ताने साध्या गोल्डन ब्लाऊजची निवड केली असून, त्याच्या आकर्षक कटमुळे संपूर्ण लूक अधिक देखणा दिसतो. प्राजक्ताच्या या फोटोमध्ये दागिन्यांचा उठावदार वापर दिसून येतो. गळ्यातील हार, मोठे झुमके व अंगठ्या तिच्या लूकला शोभा देतात. भारदस्त लूक यावा म्हणून तिने निवडलेले दागिने जरीच्या डिझाईनशी उत्तम प्रकारे जुळतात. या जड दागिन्यांमुळे तिचा लूक एकदम राजेशाही भासतो. केसांचा साधा अंबाडा, कपाळावरची छोटी काळी टिकली आणि हलका मेकअप पारंपरिक आणि दिव्य सौंदर्याला अधोरेखित करतो. प्राजक्ता माळीने फोटोसोबत 'रंग जांभळा' असे म्हटले आहे. नवरात्रीतील नऊ रंगांपैकी या एका रंगाने तिच्या वस्त्रप्रावरणांशी अप्रतिम सुसंगती साधली आहे. (सर्व फोटो सौजन्य: प्राजक्ता माळी/ इन्स्टाग्राम)