Dasara 2025: ‘नऊवारी साडी, हातात विणा’ तेजस्विनी लोणारीच्या राजेशाही लूकची चर्चा

मराठी अभिनेत्री तेजस्विनी लोणारीने दसऱ्याच्या खास निमित्ताने तिचा पारंपरिक लूक चाहत्यांसोबत शेअर केला आहे. तिने जांभळ्या रंगाची नऊवारी साडी नेसून एकदम राजेशाही ठसा उमटवला आहे. या नऊवारीला सोन्याच्या जरीची सुंदर काठ व नक्षीकामाचे डिझाईन दिलेले आहे. दागिन्यांच्या निवडीत तिने जड सोन्याचे हार, कानातील झुमके आणि बांगड्या घालून पारंपरिक स्टाइल पूर्ण केली आहे. आकर्षक नथ आणि कपाळावरील छोटीशी चांदणी टिकली तिचा लूक खुलवते आहे. तेजस्विनीने हातात विणा घेऊनही काही फोटो पोस्ट केले असून त्या छायाचित्रांना चाहत्यांचा मोठा प्रतिसाद मिळतोय. सोनेरी पार्श्वभूमीवर तिची ही नऊवारी साडी आणि दागिने अधिकच उठून दिसत आहेत. 'नवरात्र उत्सवाची सांगता… आज दसरा विजयाचं, शुभतेचं आणि नव्या सुरुवातीचं प्रतीक पारंपरिकतेतही थोडा playful अंदाज… कारण every celebration deserves a smile' अशी कॅप्शन तिने या पोस्टला दिली आहे. (सर्व फोटो सौजन्य: तेजस्विनी लोणारी/इन्स्टाग्राम) (हेही पाहा:Photos: ‘बनारसी साडी, चिकनकारी ब्लाऊज…’ दुर्गापूजेसाठी आलिया भट्टचा पारंपरिक लूक)